Oroscopo ciosoto dela Gina

• Tweet
• Pin It

Ariete (21 marzo - 20 aprile)

Ocio al'abigliamento tropo lexiero e a voler fare cambi de stagiòn massa repentini perché l'influensa xe sempre dadrio l'angolo IN GUARDIA

Toro (21 aprile - 20 maggio)

La strachessa bate forte ala vostra porta e avè l'obligo de fermarve per rispeto verso la vostra intelligensa e costansa RONCHESA PÍ FORTE CHE TI PUOI

Xemei (21 maggio - 20 giugno)

Marso passo e voialtri ve sentí come el proverbio,pieni de brio e curiosità per afrontare le giornate,anca quele pí fastidiose PIENI DE GRINTA ALEGRA

Cancaro (21 giugno - 20 luglio)

Scoprire el proprio lato burlone e alegro xè un tocasana per el sistema nervoso e imunitario, vedarè che un sorixo à poteri incredibili FORTI E BEI

Leon (21 luglio - 20 agosto)

Voressi xolare alto come i oxeleti e stare liberi in solitaria sorvolando problemi e ansie, caminando lo podè fare lo stesso VARDEVE ATORNO E AMIRÈ LE MERAVIGLIE DEL CREATO

Vergine (21 agosto - 20 settembre)

Xè puoco el tempo libero e ogni atimo sensa impegni xè pregiato come un gramo de oro, no sprechè mai gnanca un minuto RICONOSCENTI E EQUILIBRAI

Bilansa (21 settembre - 20 ottobre)

Co vedè na spiera de sole sentí che qualcossa se riative e ritorne forse che avevi desmentegà de possedere POSITIVI E CONSAPEVOLI

Scorpion (21 ottobre - 20 novembre)

Certi ogeti raconte un puoco de noialtri e ne rende unici, indossare, portare qualcossa che ne caraterize dà una carega in pí ORIGINALI E UNICI

Sagitario (21 novembre - 20 dicembre)

Se no puodè andare in vacansa per un fià de ferie ristoratrici, serchè comunque de risparmiare le forse e avolgiarve de belessa e quiete RALENTA E CONFORTATE

Capricorno (21 dicembre - 20 gennaio)

Cuxinare xè come regalare un puoco de sé stessi ai altri, condividere e donare el proprio tempo xè qualcossa de unico e pregiato IN SERCA DE RICETE E DOLCESSA

Acquario (21 gennaio - 20 febbraio)

Palestra e dieta no và odiai e evitai come la peste, ma và calibrati su ogni persona, baste davero puoco per avere sodisfassiòn! MUSICA E PASSEGIATE PER LIBERARSE

Pessi (21 febbraio - 20 marzo)

Vibrè come margheritine apena sbucae nel prato, osservè el risveglio dela natura e sentí de farghene parte, quindi ve metè in moto tra passegiate e esplorassiòn PRIMA E VERA