Oroscopo ciosoto dela Gina

• Tweet
• Pin It

Ariete (21 marzo - 20 aprile)

Puoca malinconia ma tanta grinta perché ve sentí l'argento vivo nele vene e no importe el meteo ve importe de voi stessi PIENISSIMI DE AMORE E VITA

Toro (21 aprile - 20 maggio)

Voressi saltare tre stagioni e rivare de novo a giugno per provare a fare quelo che ve piaxe de pí EL SEGRETO XÈ CONSERVARE LA VOGIA DE VACANSA TUTO L'ANO

Xemei (21 maggio - 20 giugno)

A volte un gesto de solidarietà e dolcessa pole fare la diferensa, tanto lo savemo tuti che dadrio chela scorsa avè un cuore grando FAI INVITI E CONDIVIDI

Cancaro (21 giugno - 20 luglio)

Na mente straordinaria no puole metarse in stand by e alora xè consegià progetare el pí possibile ipotixando varie ed eventuali NO FEVE FERMARE DA NISSUNI

Leon (21 luglio - 20 agosto)

No molè Leone, lo sò che solo legiare che se sbasse le temperature e fa qualche piovà te vièn l'agonia,ma conserva lo spirito caldo e l'amore in cuore L'ISTÀ XÈ UN MOOD, NO ABANDONELO

Vergine (21 agosto - 20 settembre)

Ripeteve da soli: -Su bravo/a e ghe la fago! In efeti anca se avè dà segno de strachessa savè che se pronti per rifiorire e andare lontan,mondo lontan COMBATIVI E CONTENTI

Bilansa (21 settembre - 20 ottobre)

Alcune esigense se fà pí urgenti e se stufi de rimandare, per questo motivo no frenare idee, progeti e voge de qualsiasi genere PREMIEVE

Scorpion (21 ottobre - 20 novembre)

Ultimamente no avè vogia de feste e terasse,ma de Sole e solitudine per rifletare e progetare grandi robe che da tempo bramè ACONTENTEVE E NO SPETÈ MASSA

Sagitario (21 novembre - 20 dicembre)

E chi l'á dito che l'istà sta finendo? I Righeira quarant'ani fa, ma no xè cossí, voialtri podè godarvela un altro fià riposando e sognando per el futuro VE MANCHE N'AMACA E SARAVE EL TOP

Capricorno (21 dicembre - 20 gennaio)

Si, condivido sia giusto tirarse avanti,ma se sè xà drio a preparare i regali de Nadale scriveve cossa che incartè perché manche "solo" quatro mexí! OK ESSARE PREVIDENTI MA GUSTEVE UN FIÀ EL PRESENTE

Acquario (21 gennaio - 20 febbraio)

Si, viagiare...e magari no dovere tornare subito a lavorare...fai el pièn de emossiòn, Sole, cultura, relax fin che ti puoi e tratièn sta forsa pí a lungo possibile MODALITÀ SPUGNA RESISTENTE E AMALIANTE

Pessi (21 febbraio - 20 marzo)