Oroscopo ciosoto dela Gina

• Tweet
• Pin It

Ariete (21 marzo - 20 aprile)

Se piove baste avere le scarpe impermeabili,l'ombrela e un bel sorixo, ti à i astri dala to parte e tuto file ben E SE I TE CIAME PER FARTE NOTARE UN ERORE SU MILE LAVORI FATI GIRATE DAL'ALTRA PARTE

Toro (21 aprile - 20 maggio)

Strachitudine xè de pí de na banale strachessa, ve svegiè la matina e sognè divano e coverte ma invesse bià rigare driti SI MA NO STE MASSA IMBUSTINAI,ANCA I ALTRI XÈ STRACHI DURI,NO PREOCUPEVE

Xemei (21 maggio - 20 giugno)

Dopo gesta eroiche e memorabili la strachessa avanse e perdarè le vostre capacità de fare mile robe per volta,ogni tanto ghe capite anca ai supereroi OCIO A NO SBOTARE MASSA

Cancaro (21 giugno - 20 luglio)

Col tempo avè imparà ad aprirve de pí sensa vergognarve de racontare pensieri e emossiòn, a xè un umano bisogno e fa ben ai raporti familiari e non TENERI E ORSACHIOTOSI

Leon (21 luglio - 20 agosto)

Fermate un atimo per amirare i to de pí, no i to de manco! Voialtri tendè a no primegiare, a no lodarve, ma a sercare solo mancanse e erori EH NO, STAVOLTA DOVÈ PETENARVE LA CRINIERA E AUTOCOMPLIMENTARVE

Vergine (21 agosto - 20 settembre)

Se come na tecia de sepe in umido: borbotè e rischiè de esplodare faxendo dani, quindi no podendo cavarve dal fuogo almanco governelo FRENEVE PÍ CHE PODÈ

Bilansa (21 settembre - 20 ottobre)

Continue el vostro idilio e ve va ben cossí: chi ve lo fa fare a vardare le robe nel modo che le vede tuti? DEVE DA FARE ANSI, CHE DE SOGNATORI GHE N'È BISOGNO

Scorpion (21 ottobre - 20 novembre)

Se le giornate xè grigie fare le spese xè un'otima fuga dai pensieri e le secature, avè bisogno de atorniarve de belessa EL BELO FA ANCA BEN

Sagitario (21 novembre - 20 dicembre)

Le robe ve le suè ecome! Però la fadiga e el savere che nula te xè regalà xè anca na sodisfassión, quindi festegiè e feve i complimenti AVÈ FATO TANTA STRADA

Capricorno (21 dicembre - 20 gennaio)

Sentirè tuto co pí intensità, pí sensibili ed emotivi del solito ve comuovarè co facilità e avarè da condividare tanto amore TENERONI

Acquario (21 gennaio - 20 febbraio)

Proietai verso sene prenatalissie co bali e canti e goti,tanti goti o dei bei viagieti tra magna e beva e nove intriganti aventure A E I O U Y ...SE XÀ PRONTI

Pessi (21 febbraio - 20 marzo)

A volte baste na parola per essare interpretai male e alora tendè a chiudarve a ricio sensa dire pí na parola, ma xè pecao, semo fati tuti per stare insieme BUTEVE ALE SPALE CERTE IDEE