Oroscopo ciosoto dela Gina

• Tweet
• Pin It

Ariete (21 marzo - 20 aprile)

E che ve freghe se piove? Voialtri avè na spinta, un bogiore,n'alegria,na ciacola invidiabili COINVOLGÈ ANCA I ALTRI,SE DEI TIRAMISÙ!

Toro (21 aprile - 20 maggio)

No dubitare de ti, trasforma l'ansia e sta continua ricerca de perfessiòn in energia per capire quanto sale che ti à in suca PIENI DE FORSA E MERITEVOLI

Xemei (21 maggio - 20 giugno)

Se ghe xè na roba che mal soportè xè dovere dimostrare ai difidenti quanto che valè perché no i sà che posso infinito de capacità che avè SORPASSELI CO UN SEMPLICE SALTÍN

Cancaro (21 giugno - 20 luglio)

Pí disposti a perdonare,a lassare perdare incomprensiòn o bagatele. Se diversi voialtri e avè vogia de no stressarve o perdare energie SE PROIETAI VERSO EL FUTURO

Leon (21 luglio - 20 agosto)

Semo tuti animali da compagnia, voialtri po se generosi e richi de anemo e no ve va' de puntualixare sule mancanse altrui STARÈ MEGIO NEL DARE CHE NEL RICEVERE

Vergine (21 agosto - 20 settembre)

Soto pression riussí a dare sempre de pí, anca se la sera el sèrvelo maxene che xè un piassere CAVALCA L'ANSIA, LA XÈ UN GATÍN

Bilansa (21 settembre - 20 ottobre)

Se fati per la compagnia e l'essere sociali agiute e calme de pí de mile camomile, darè e ricevarè luxe VE PIAXE LE TOLE NUMEROSE

Scorpion (21 ottobre - 20 novembre)

Nonostante le mete ragiunte e le sodisfassión racolte ve sentí ala continua riserca de novi obietivi e certesse SE COSSÍ: SEMPRE IN CAMÍN E CO POCHE ARIE

Sagitario (21 novembre - 20 dicembre)

Dopo qualche dí de titubanse dovuo ai caprissi de Marte, avarè na setimana carega de impegni e sarè determinai, precisi e contenti de governare el vostro tempo SICURI E CONTENTI

Capricorno (21 dicembre - 20 gennaio)

Col grigiume dela piova sarè desiderosi de apendare musi longhi al ciodo e in legeressa condividare sorixi e frivolesse come picoli pensierini per i vostri congiunti FARE DEL BEN FA RISPLENDARE

Acquario (21 gennaio - 20 febbraio)

Novi progeti,nove idee,novi amori, no ghe xè da poltrire cari Acquari! Mai pensarghe massa, le robe vien ben al primo colpo! VELOCI E LEXIERI

Pessi (21 febbraio - 20 marzo)

Co sta piova e sti primi fredi riscoprirè el tepore dela complicità col partner, per scaldarse ghe vuole amore XÈ PRIMAVERA DRENTRO DE TI