Oroscopo ciosoto dela Gina

• Tweet
• Pin It

Ariete (21 marzo - 20 aprile)

No stare a dire ma sì farò domàn, tirate sù le maneghe e ciapa el toro per le corna e progeta,ti te stupirà per le to risorse e idee EL SUCESSO SARÀ GARANTIO

Toro (21 aprile - 20 maggio)

Xè ora de puntare alto, abandonando le banalità e chi che no ve apresse, ascoltandote de pí dandote la precedensa COMINSIA CO PUOCO

Xemei (21 maggio - 20 giugno)

La luminosità dela Luna te farà capire co pí ciaressa cossa che ti vuoi e co determinassiòn ti lo inseguirà ILUMINAI E BEN ORIENTAI

Cancaro (21 giugno - 20 luglio)

Quando che se sta ben e se riciape l'equilibrio cambie anca el modo de pensare, de osservare, liberi e sensa pesi TUTO PARE DIVERSO, PIACEVOLE

Leon (21 luglio - 20 agosto)

Semo verso la fine del'ano e voialtri Leoni se tendesialmente a tochi, na roba solamente voressi: recuperare un fià le forse EVITA DE SENTIRTE INSOSTITUIBILE,DELEGA, NO PENSARE SEMPRE IN GRANDO

Vergine (21 agosto - 20 settembre)

Fare in silensio, co metodo e destressa, sensa disturbare, e de colpo se no ghe sè subito se vede la diferensa NO VE VANTÈ MAI, MA LO PODARESSI FARE

Bilansa (21 settembre - 20 ottobre)

Serca de premiarte, xè el momento giusto, dopo un tempo dove che avè pensà sempre ai altri ghe sta cavarse qualche sodisfassión PREPARATE UN CALENDARIO DEL' AVENTO CO PREMI TUTI PER TI

Scorpion (21 ottobre - 20 novembre)

E la Luna bussò e no ve sé fati trovare impreparai,ansi se pieni de forsa, sensuali e forsuti, magnetici, polari I PRIMI DELA CLASSE

Sagitario (21 novembre - 20 dicembre)

Limpidi e sinceri per voialtri no ghe xè mexe misure, uguali co tuti mal soportè xiogheti e fintoni LIBEREVE DA QUELO CHE VE INFASTIDISSE

Capricorno (21 dicembre - 20 gennaio)

Sarà che vedè panetoni e balocheti al'orixonte, ma le giornate le afrontè co pi calma e legeressa,no importe se le giornate sarà longhe CHI SORIDE PUOLE OSARE DE PÍ

Acquario (21 gennaio - 20 febbraio)

Xè tuto un equilibrio sora la folía e voialtri savè tenire bota ale fadighe ma anca ale seratone longhe e rivelatrici FINALMENTE SÉ TORNAI AI VECI FASTI

Pessi (21 febbraio - 20 marzo)

Sé dei sognatori e la vostra fantasia no á mai limiti, co qualche vostra idea po ciape el volo e se realixe ve sentí apagai VOLERE XÈ POTERE