Oroscopo ciosoto dela Gina

• Tweet
• Pin It

Ariete (21 marzo - 20 aprile)

Pí equilibrio sopratuto nel sono, serca de regolare gl'impegni sensa andare via de testa per niente BE QUACIAROT, SCOLTA LA GINA

Toro (21 aprile - 20 maggio)

Lassa perdare chi che per divertimento passe via a tormentarve, lori no à altro da fare LA VOSTRA XÈ NA VITA PIENA E RICA

Xemei (21 maggio - 20 giugno)

Tanto stress portà dal lavoro che ve asorbe per mondo de tempo, ma no mancarà afeto e dolcessa EMOSSIÒN FORTI E INTENSE

Cancaro (21 giugno - 20 luglio)

Setimana come le luci intermitenti del'albero: un dí da late e uno da uovi, serchè de darve un contegno A CASA I XÈ CHE I CORE AI RIPARI

Leon (21 luglio - 20 agosto)

Avè talmente tanto da fare e dire che no savè pí se vivare de cafè e ginseng per stare svegi OCIO COI SCHEI E LE FORSE

Vergine (21 agosto - 20 settembre)

Se drio a pensare a cambiamenti sul lungo termine e voressi sodisfare desideri e sogni RECUPERA LE FORSE COL SONO REGOLARE

Bilansa (21 settembre - 20 ottobre)

No feve paladini dele cause altrui,ansi no ciapè posissiòn sta setimana: starè pí queti EVITA LE CAUSE PERSE E RIPOSATE

Scorpion (21 ottobre - 20 novembre)

Momenti de chiarimenti e realtà svelae che ve sorprendarà podendo cossí liberarve da costrissiòn LIBERI E BELI

Sagitario (21 novembre - 20 dicembre)

Durante la setimana avarè da decidare velocemente sul da farsi ma serchè de ciapare tempo FEVE COCOLARE A CASA, EL RELAX PORTE A SCELTE MIGLIORI

Capricorno (21 dicembre - 20 gennaio)

No avere paura de provare dei sentimenti e de mostrare quelo che ti provi! Ghe xè richessa nella dolcessa SII MANCO PIGNOLO AL LAVORO

Acquario (21 gennaio - 20 febbraio)

Bolete,tasse,schei, se stufi de fare conti fra entrae e uscite, dedicheve del tempo, quelo no coste... COSSÍ TRA NA RIFLESSION E N'ALTRA VEDARÈ TUTO PÍ CIARO

Pessi (21 febbraio - 20 marzo)

Atmosfere natalissie e calore nel'anemo, avè tanta vogia de pensare positivo e godere dela compagnia giusta UMORE SCINTILANTE