Oroscopo ciosoto dela Gina

• Tweet
• Pin It

Ariete (21 marzo - 20 aprile)

Se podessi metaressi la svegia soto tera per no sentirla pí e continuare a dormire AVÈ EL SONO INCORPORÀ,BIÀ CHE RECUPERÈ ASSOLUTAMENTE

Toro (21 aprile - 20 maggio)

Sti tempi balerini condissione salute e umore, bià che vè svaghè co passatempi e relacs divertente PÍ RIPOSO E LEGERESSA

Xemei (21 maggio - 20 giugno)

Brevi stop per ripartire ancora pí in salita, avè la stofa giusta per otenire ogni roba che desiderè OCIO AL TACUÍN PERÒ

Cancaro (21 giugno - 20 luglio)

Avè tanti pensieri per la testa, in particolare serchè de trovare un modo per giutare i vostri cari FEVE GUIDARE DAL SESTO SENSO

Leon (21 luglio - 20 agosto)

Tanti pensieri per la testa, per resistare serchè de tenirli a bada faxendoghene uscire uno per volta COSSÍ AVARÈ MODO DE GESTIRE MEGIO LE SITUASSIÒN

Vergine (21 agosto - 20 settembre)

Pieni de idee, impegni e anca spese, megio se no le ghe gera, ma gl'imprevisti capite... PER METARE VIA GHE SARÀ TEMPO

Bilansa (21 settembre - 20 ottobre)

A volte la vedemo pí granda de quelo che la xè e se femo castei e atici co la fantasia SARÈ GRATIFICAI E SODISFATI

Scorpion (21 ottobre - 20 novembre)

Lassè stare la freta e maturè scelte e giudissi co calma e fredessa VEDARÈ CHE SCEGLIARE SARÀ PÍ SEMPLICE

Sagitario (21 novembre - 20 dicembre)

Avè poca vogia de scambi comunicativi o de raporti umani, sopratuto se legai sempre e solo a interessi MEGIO EREMITI CHE FUFFINIONI

Capricorno (21 dicembre - 20 gennaio)

Se savè de meritare e de contare proponeve e feve avanti o deve da fare per fare notare le vostre bravure LANCEVE

Acquario (21 gennaio - 20 febbraio)

Voressi na sdraio per stare soto el sole a ciapare la tintarela, avè bisogno de un stop perché le fadighe sto ano xè tante FERMEVE UN ATIMO

Pessi (21 febbraio - 20 marzo)

Pensa un puoco a ti e un pelo demanco a tuto quello che no funsione a sto mondo, ti riussirà a trovare equilibrio LIBEREVE DA PESI E PENSIERI