Oroscopo ciosoto dela Gina

• Tweet
• Pin It

Ariete (21 marzo - 20 aprile)

El caldo sbasse la pressiòn e le forse, bià ralentare un fià e fare el pièn de sali minerali RALENTA E CONFORTATE CO TECNICHE DE RILASSAMENTO

Toro (21 aprile - 20 maggio)

Stufi e amaregiai da eventi dificili da comprendare, serchè de essare fiduciosi e de no abatarve massa FAI ROBE FRIVOLE E COINVOLGI I FAMILIARI

Xemei (21 maggio - 20 giugno)

Per alcuni giorni avarè momenti de relacs e gioia, ghe ne savarè fare tesoro FOTOGRAFA COL CUORE ATIMI PRESSIOSI

Cancaro (21 giugno - 20 luglio)

Pensieri e nervosismo acuii dai cambi climatici, serchè de frenare l'agresività sbolendola co lunghe caminae SILENSIO E CONSAPEVOLESSA

Leon (21 luglio - 20 agosto)

Xè dificile vedare arcobaleni e colori nei momenti de sconforto, ma no farte condissionare ogni istante GUSTATE I ATIMI BONI

Vergine (21 agosto - 20 settembre)

I cambi de temperatura freghe de sta stagiòn e bià stare atenti sopratuto se ve sé xa impestà CUREVE CO ATENSIÒN

Bilansa (21 settembre - 20 ottobre)

El sole e el profumo del mare inebrie i to momenti de libertà e sé colti da un positivismo coinvolgente BAXAI DAL SOLE

Scorpion (21 ottobre - 20 novembre)

Avè vogia de sperimentare piati e sapori sconossiuti, se i risultati xè positivi colaudè subito co na sena INISSIE LA STAGIÒN DELE TOLE LONGHE

Sagitario (21 novembre - 20 dicembre)

A certe domande xè diffisile trovare na risposta, no steve ad avilire per trovarla ad ogni costo SVAGHEVE NO PENSANDOGHE

Capricorno (21 dicembre - 20 gennaio)

Per cambiare bià sistemare e cossí anca butare o regalare quelo che no se use pí, cossí avarè spassio e ordine PÍ VUOTI E MENO PIENI

Acquario (21 gennaio - 20 febbraio)

Se ghe n'avè la possibilità coi prossimi ponti deve ala fuga e ala festa per el primo sole e un fià de legeressa LIBERI E BEI

Pessi (21 febbraio - 20 marzo)

No fossilixarte sui pensieri, no spetare no maxenare, esci e camina, camina e esci, gustate un spriss, le nuvole, el mare LIBERA LA MENTE