Oroscopo ciosoto dela Gina

• Tweet
• Pin It

Ariete (21 marzo - 20 aprile)

Poca vogia de interagire co chiunque, semo quasi a fine ano e volè tanto riposare UN FIÀ DE LETARGO NO GUASTE

Toro (21 aprile - 20 maggio)

A vedare certe robe ve vièn l'afano de stomego e quindi per sparagnarvelo stropeve oci e rece SALVAGUARDA EL TO BENESSERE PSICOFISICO

Xemei (21 maggio - 20 giugno)

Vogia de cocole, sene coi amissi e qualche gotexèlo pregiato, vissieve e no pensè ala scarsela I SCHEI BEN SPESI NO VA MAI RIMPIANTI

Cancaro (21 giugno - 20 luglio)

Sempre ben organixai mal soportè le robe fate al'ultimo sensa preaviso o preparassiòn NO ESTERNARE EL TO FASTIDIO MA FAI PER EL TEMPO CHE TE VIÈN DÀ

Leon (21 luglio - 20 agosto)

Per campare sensa fruarte fai na roba al dí sensa farte soprafare dal'ansia, soprimila proprio sta agitassiòn PENSA A TI

Vergine (21 agosto - 20 settembre)

Mai sentirse fora posto se avè grandi capacità e risorse, sé na machina perfeta piena de idee DOSA LA FORSA

Bilansa (21 settembre - 20 ottobre)

La ricerca, l'inteligensa no te abandone mai e se vede, ti xè pronto per otenire el megio da ogni situassiòn BRILANTI E SCINTILANTI

Scorpion (21 ottobre - 20 novembre)

Pí regolarità, pí cibo sano, pí organixassión per riequilibrarte e sodisfare tuto el to potensiale RICORDATE DE SORIDARE

Sagitario (21 novembre - 20 dicembre)

Desiderè legiare e aprofondire certe tematiche, el momento xè giusto per esplorare e cressare LA CULTURA APAGHE

Capricorno (21 dicembre - 20 gennaio)

Le setimane ve pare longhe e precise, per sfugire a sta ripetissiòn in loop ghe vuole na strategia per salvaguardarse un fià RICAVÈ SPASSI LIBERATORI

Acquario (21 gennaio - 20 febbraio)

I amissi xè pressiosi e no bià darli per scontai, cossí xè giusto ringrassiarli co afeto e premi NA SENA CONDIVISA DARÀ TANTO CALORE

Pessi (21 febbraio - 20 marzo)

Generosi e sempre ativi per giutare e solevare i anemi dei vostri cari, concedeve atimi de libertà e cocole VE MERITÈ TANTO