Oroscopo ciosoto dela Gina

• Tweet
• Pin It

Ariete (21 marzo - 20 aprile)

Dai, otobre xè praticamente finio, tien duro e segna i giorni che passe come tuti i comuni strachi NO FEVE CIAPARE DAL'ANSIA

Toro (21 aprile - 20 maggio)

Chi la dura la vinse e rivai a sto punto la xè proprio na gara de resistensa la vostra, dove tuto pare milesimato ma no bòn come el spumante LA PASSE SAVÈ!

Xemei (21 maggio - 20 giugno)

Ultimi fuochi de un'istà longa e piena de viagi, incontri, esperiense, adesso xè el momento dei bilanci e de chiedarve cossa che volè DESIDERI O SOGNI?

Cancaro (21 giugno - 20 luglio)

Ripartire sensa pensare, questo xè ben fare, no vardare indrio ma concentrate sul qui e ora,sul presente per vivare al megio SAGI E SILENSIOSI

Leon (21 luglio - 20 agosto)

A volte se metemo ala prova, altre volte semo messi ala prova e no se rendemo conto de quanto che demo e quanto bravi che semo NO SMINUIRE FADIGHE E SACRIFICI MA RISPETATE

Vergine (21 agosto - 20 settembre)

Co flema se operosi e esperti, gelosi dele vostre vitorie ma generosi nel insegnare a chi che ve chiede come fare ben MAESTRI DE FADIGHE E CAPACITÀ

Bilansa (21 settembre - 20 ottobre)

A volte ne pare imposibile che le robe vaga in un certo senso e alora serchemo na spiegassion,na logica,anca se xè dificile trovarla AMOREVOLI IDEALISTI

Scorpion (21 ottobre - 20 novembre)

L' autuno grigio e silensioso ve fa' meno compagnoni e loquaci, voressi vivare su un bel scialet de montagna persi fra le foge e la natura PER RILASARTE PROVA CO LE PASEGIATE

Sagitario (21 novembre - 20 dicembre)

Acumularessi volentieri xà tute le spese de Nadale, avè xà la carta da regalo e no ve manche la fantasia per trovare el pensiero giusto per la persona giusta QUELO CHE FA STARE BEN NO FA MAI MALE

Capricorno (21 dicembre - 20 gennaio)

Autuno, cambio de armuà e perché no dare na bela ripulia dando via quelo che no ve metè pí da ani? Va che ghe ne guadagnè soto tanti punti de vista PRONTI PER NUOVI SHOPIN!

Acquario (21 gennaio - 20 febbraio)

L'amore puole tuto e quando manco se lo spetemo a capite e a riempie la nostra vita, sta a noialtri riconossarlo e protegiarlo ACOGLIENTI E CALDI

Pessi (21 febbraio - 20 marzo)

Sempre vissini e disponibili ad ascoltare e giutare, xè ora de premiarse e rilassarse un fià anca co un puoco de frivolessa SPESE, PROFUMI, LECORNIE PER UN PUOCO DE LEXIERESSA