Oroscopo ciosoto dela Gina

• Tweet
• Pin It

Ariete (21 marzo - 20 aprile)

Otimisti e baxai dala fortuna,no ve lamentè mai e se insoferenti ai pianxoti, che no capí e ve apesantisse un fià SE PODÈ OFRÍ UN PUOCO DELA VOSTRA POSITIVITÀ

Toro (21 aprile - 20 maggio)

Baste acelerare e sforsarve,se entre nel'ultimo mexe del'ano, quindi andè un fià in risparmio energetico per no rivare in xenocio ale feste MAGNA E RONCHEXA DE PÍ

Xemei (21 maggio - 20 giugno)

Tanto forti, inteligenti, vivi,pieni de passiòn ma guai a chi che ve mete i bastoni sule riode perché deventè dei orchi verdi e ve li magnè come n'oliva su un spriss MUSCOLOSI E ELETRICI

Cancaro (21 giugno - 20 luglio)

Rive l'inverno e se podessi alsaressi le persiane col pensiero e comandaressi el mondo dal divàn soto vinti coverte MASSÍ CIAPEVELA COMODA MA SOPRATUTO CALDA!

Leon (21 luglio - 20 agosto)

Dopo aciachi e aciachini piàn pianelo vedè la luxe e baste na picola fiamela per farve saltare come na mola pieni de mile propositi QUINDI... XÈ ORA DE IMPISSARE LE LUXI DELL'ALBERO

Vergine (21 agosto - 20 settembre)

Voialtri avè le vostre mile robe da fare, no se dei romanticoni o dei ciacoloni, no xè nele vostre abitudini essare un libro verto GHE XÈ CHI CHE GRADIRÀ LA VOSTRA PRESENSA E SILENSI

Bilansa (21 settembre - 20 ottobre)

Ve sentí ben e no lo scondè, no ve vergognè e ansi, sentindove in forma avè el desiderio de agiutare chi che no se sente in bola come voialtri PORTÈ LUXE

Scorpion (21 ottobre - 20 novembre)

Dicembre: un gotexèlo de vín,na coverta,un libro, no chiedè altro de pí, le vostre gioie quotidiane xè proprio ligae ala tranquilità ANCA QUELA EMOTIVA E SENTIMENTALE VE FARIA PIASSERE

Sagitario (21 novembre - 20 dicembre)

Se fastidiosi ma lo ametè, quindi se mexi perdonai perché xè dificile aprirse quando che se sentimo nervosi PARLARE FA BEN E XÈ TERAPEUTICO

Capricorno (21 dicembre - 20 gennaio)

De solito se decisi e sicuri, ma ultimamente ve lassè emossionare, pronti anca a cambiare opiniòn su robe che no avaressi mai dito CAMBIARÈ IDEA SU DIVERSE ROBE

Acquario (21 gennaio - 20 febbraio)

Careghi come na volta, come che ve piaxeva avè le stele tute per voialtri e ve fa un piassere imenso, sopratuto se ghe xè aria de cambiamento CONQUISTE DE FINE ANO AL'ORIXONTE

Pessi (21 febbraio - 20 marzo)

Guai a chi che ve contradixe perché ve li magnè, dopo setimane de asopimento ve riprendè i vostri spassi e brilè PRONTISSIMI E SPRINTISSIMI