Oroscopo ciosoto dela Gina

• Tweet
• Pin It

Ariete (21 marzo - 20 aprile)

No stare a avere paura de chiedare na man, quando che se xè strachi duri xè sempre ben dividare le fadighe EL FINE SETIMANA SARÀ LIBERATORIO

Toro (21 aprile - 20 maggio)

Forte energia che ve rende spumegianti, careghi de idee e fadigoni, sentí la carica dela Luna cressente CIAPA LA STRADA PÍ SEMPLICE

Xemei (21 maggio - 20 giugno)

No ve piaxe sentirve al centro del'atensiòn, ma gnanca che le vostre fadighe no venia riconossue o dae per scontà REGALÈ EL VOSTRO TEMPO SOLO A CHI CHE LO REPUTE PRESSIOSO

Cancaro (21 giugno - 20 luglio)

Capirè che ghe xè ben altre priorità e che no bià sempre essare i primi dela fila per poder cossí ocupare el tempo libero coi vostri cari EQUILIBRAI E RIPOSAI

Leon (21 luglio - 20 agosto)

Sperimentare nove idee,acetando le sfide sensa ciaparvela se la ciambela no esce subito col buxo, nel fratempo ocio a spese e bolete TENÍ LA CONTABILITÀ CO PÍ ACURATESSA

Vergine (21 agosto - 20 settembre)

No sempre bià sdebitarse coi altri, sopratuto se na man lave l'altra e sé drio a colaborare donando tanto del vostro tempo PÍ INDIPENDENTI E QUETI

Bilansa (21 settembre - 20 ottobre)

Sensa scambi la vita xè monotona e per fortuna lo avè capio, sopratuto se el conforto provièn da persone che ve ame e ve rispete RIVEDARE PRIORITÀ E ABITUDINI SARÀ UTILE

Scorpion (21 ottobre - 20 novembre)

La sensassiòn de no essare capii ve infastidisse, alora serchè de essare pí ciari per essare pí ascoltai BASTE BAGORDI LA SERA, SII PÍ RIGIROSO

Sagitario (21 novembre - 20 dicembre)

Indafarai pí che in istà epure poco sodisfai perché voressi curare de pí i raporti de amicissia o familiari, ritorna a parlare e a verxare cuore e mente RISTABILIRE LE PRIORITÀ

Capricorno (21 dicembre - 20 gennaio)

Se drio a imparare tanto e a cressare tanto,anca se a volte certe robe reste dei misteri e avè bisogno de conferme SERVE PÍ SICURESSA E CONDIVISIÒN A CASA

Acquario (21 gennaio - 20 febbraio)

Schei, tuto a volte pare gravitare atorno a finanse e piani e voialtri atualmente se un fià confusi o schifai da investimenti poco sodisfacenti NO IMPROVIXEVE CONTABILI MA CONTEGHELA ALA XENTE GIUSTA

Pessi (21 febbraio - 20 marzo)

Prima de dire la toa scolta co pí calma le idee altrui,a volte no se xè tanto distanti ma manche solo el desiderio de condividare PROVA A CAMBIARE LE ABITUDINI CHE TE RENDE SOLITARIO