Oroscopo ciosoto dela Gina

• Tweet
• Pin It

Ariete (21 marzo - 20 aprile)

Come xela? La xè stramba passare dala sdraio ala coverta in leto, e mai come sto ano la te pare na fadiga anca per preparare na pastasutina DE CORSA MA RESISTENTI E METICOLOSI

Toro (21 aprile - 20 maggio)

Cresssendo se impare el significato dela franchessa e la sincerità, grandi valori, sé sula strada coreta, no volteve indrio perché dubi no ghe n'è SE NA ROCIA

Xemei (21 maggio - 20 giugno)

Anca viagiare strache e dopo un bel tour de force estivo dove che no ve sé mai fermai, sentí el desiderio de tufarve in divàn e ronchexare MA PER EL LETARGO BIÀ CHE SPETÈ ANCORA ...

Cancaro (21 giugno - 20 luglio)

Navegare,navegare sempre su tute le acque, quele tranquile xè noiose, invesse cavalcare quele pí mosse xè na bravura da puochi e voialtri se dei lupi de mare SPECIALI E RESISTENTI

Leon (21 luglio - 20 agosto)

Metarse ala prova e spenxarse pí in là per ragiungiare mete impensabili abandonando abitudini, sopratuto quele manco salutari TIRA FUORA L'AUTOSTIMA E VOGITE BEN

Vergine (21 agosto - 20 settembre)

No se mussi e avè da pensare al vostro benessare fisico e mentale che vien prima de tuti gl'impegni e le responsabilità! CIAPATÈLA PÍ COMODA

Bilansa (21 settembre - 20 ottobre)

Sta aria frescheta ve scombussole un fià, sarà la pressiòn,sarà che fa scuro presto ma la xè dura carburare, bià che cominsiè a fare orari pí invernali DAI,TENÍ DURO, BASTE ALENARSE

Scorpion (21 ottobre - 20 novembre)

No se adulatori, no ve piaxe conquistare la xente cossí, per voialtri xè importante creare legami solidi e afeti duraturi che se cree nel tempo SE DEI COSTRUTORI

Sagitario (21 novembre - 20 dicembre)

Ultimamente se pí concentrai sul vostro io, per cominsiare a stare ben e afrontare i giorni frenetici co pí calma e manco coinvolgimento, cossí ve protegè da stress e smanie SE COSSÍ ZEN CHE I ALTRI FA FADIGA A STARVE DRIO

Capricorno (21 dicembre - 20 gennaio)

Atenti ai conti e al risparmio visti sti ciari de Luna, praticarè l'arte del riciclo e del reinventarse co puoco, dopotuto avere stile no dipende dai schei se sà bon gusto AVARÈ NA GRANDA SODISFASSIÒN

Acquario (21 gennaio - 20 febbraio)

Sarà el clima autunale ma la malinconia bussarà ala porta e la portarà tanta vogia de darse da fare e trovare el belo in tuto anca nella stagiòn dale fogie seche MAI CO LE MAN IN MAN

Pessi (21 febbraio - 20 marzo)

Combatè i pensieri co atività fisica e passegiae e cura del look, per stare a legiare e vardare film ghe sarà tempo, adesso el sole xè ancora tiepidín ANCA NA SENA INSIEME A VOLTE RINFORSE I LEGAMI