Oroscopo ciosoto dela Gina

• Tweet
• Pin It

Ariete (21 marzo - 20 aprile)

San Lorenzo xè vissin,punta in alto, varda le stele e esprimi i to desideri pí agnognai SE TI LO SOGNI TI LO POI FARE

Toro (21 aprile - 20 maggio)

Qualche volta no avere el controlo de tuto xè na risorsa per finalmente ascoltare el nostro anemo PENSA A TI E A RISENTIRTE DAL PROFONDO

Xemei (21 maggio - 20 giugno)

No arendarte e tira fora dala cassèla i to sogni pí grandi perché a stare sconti i se scolore PREPARA EL CAMPO PER NOVE STAGIONI MERAVIGLIOSE

Cancaro (21 giugno - 20 luglio)

Quando che ti à idee e ti xè determinà a realixarle na luce interiore te spenxe e te guide anca nei sentieri pí in salita QUELO CHE TI VOI TI LO OTIÈN

Leon (21 luglio - 20 agosto)

Baste stare sule quinte sconti a roxegare come sorxeti, xè ora de tornare in pista perché sé i favorii de Venere BASTE SOGNARE,VIVILO!

Vergine (21 agosto - 20 settembre)

Esci da casa, esci dai schemi che ti te imponi, dala rigidità,el silensio, libera lo spirito e vivi! ALEGRIA E SENSUALITÀ

Bilansa (21 settembre - 20 ottobre)

Volere xè potere,quindi no dire pí -Voria ma -Lo vogio e posso! La vita no xè un film ma ti ti xè el regista CIAK !!

Scorpion (21 ottobre - 20 novembre)

I pensieri bei rende bei anca fuora, quindi alontana ansie, rancori e vivi co legeressa sto scampolo de istà BISOGNA METARE VIA RISERVE DE ALEGRIA PER L'AUTUNO

Sagitario (21 novembre - 20 dicembre)

No serve andare lontàn per viagiare, a volte baste un libro, un quadro, na scultura per aprire spassi importanti nela mente SE PRONTI PER LA NAVIGASSIÒN

Capricorno (21 dicembre - 20 gennaio)

Adesso xè istà,no stare a pensare a cossa che ti avarà da fare co ti torni operativo, no pensare a conti e afari pensa ai sentimenti ANCA L'AMORE XÈ UN INVESTIMENTO

Acquario (21 gennaio - 20 febbraio)

Voressi per un dí no avere orari, apuntamenti, pulissie,lavatrici, conti da fare, fastidi vari MA ALA FINE LE XÈ TUTE PICOLESSE, NO FEVE FREGARE PERCHÉ NO LE À PESO

Pessi (21 febbraio - 20 marzo)

Venere ve rendarà imbatibili e pronti co tanta energia per nove sfide, liberi dal'indecisiòn e le paranoie inutili SARÈ ENERGICI E SICURI DE QUELO CHE VOLÈ OTENIRE