Oroscopo ciosoto dela Gina

• Tweet
• Pin It

Ariete (21 marzo - 20 aprile)

Pronti per ricominsiare? Tre do uno...via! Eh lo sò,l'inverno ve tire indrio... AVANTI TUTA E LA SETIMANA XOLE VIA CHE XÈ UN PIASSERE

Toro (21 aprile - 20 maggio)

Pieni de risorse ma pieni anca de roture e de impegni de cui faressi volentieri manco CIAPELA CO LEGERESSA E LA PILOLA VA GIÚ

Xemei (21 maggio - 20 giugno)

Se pieni de domande da fare e da farve, curiosi de capire fin dove che ve podè spenxare NO METEVE DEI PALETI E APRÍ PORTE, FINESTRE, SCURI

Cancaro (21 giugno - 20 luglio)

Poltronite acuta, sto tempo e sto fredo ve mete na gran malinconia, ma dovè pensare invesse che el Sole xè che se careghe BASTA PANTOFOLE E TV, ALSEVE E METEVE IN XIOGO

Leon (21 luglio - 20 agosto)

Strachitudine acuta,da dormire apena che ve sé tirai sú e vestii ala matina, ve vuole un tir de ginseng MAGNÈ MEGIO, BEVÈ MANCO, DORMÍ DE PÍ

Vergine (21 agosto - 20 settembre)

Silensiosi ma riflessivi, no ve esponè mai pí de tanto ma quando che i ve le fa girare esce tuto l'animale selvadego OCIO ALE IENE PERÒ

Bilansa (21 settembre - 20 ottobre)

Quanto che ve manche le serate magna e beva, quatro salti, dò passi in alegria... no ve baste el Nintendo SPETÈ L'ISTÀ PER RIPRENDARVE

Scorpion (21 ottobre - 20 novembre)

Testa fra le nuvole e pensieri vastissimi, no ve manche mai l'estro e la fantasia per afrontare ben la giornata SE VARIOPINTI E SIMPATICI

Sagitario (21 novembre - 20 dicembre)

I sconti ve invoge a spendere e spandare ma tratenive un fià perché fa presto a rivare el tepore e ve vuole na mua nova DESIDEROSI DE CAMBIARE

Capricorno (21 dicembre - 20 gennaio)

Ocio a dire in maniera massa sincera quelo che ti pensi perché la xente no xè pí tanto abituà ala chiaressa NO SOPORTÈ I XIOGHI E LE FINTE AMICISSIE

Acquario (21 gennaio - 20 febbraio)

Alora semonu pronti per pensare a qualche bela uscita primaverile? Ve manche i amissi, le bevue, un fià de sano divertimento INTANTO PER INGANARE L'ATESA CURA EL FISICO E ALENATE

Pessi (21 febbraio - 20 marzo)

Pensieri ti ghe n'à abastansa, ma un sorixo anca soto la mascara no ti lo neghi a nissun, trane ai oportunisti che ad un certo punto ti canceli dala vista OGNI DÍ NO TI SPRECHI UN ATIMO DELE TO GIORNATE