Oroscopo ciosoto dela Gina

• Tweet
• Pin It

Ariete (21 marzo - 20 aprile)

Dopo piova e vento riapare la vogia de divertirse, i riverxe anca le discoteche e avè vogia de metarve in ghingheri SETIMANA GLAMOUR

Toro (21 aprile - 20 maggio)

Passà el periodo da inquisissione spagnola ti provi pí paxe e tranquilità cossí ti à anca pí vogia de fare. TORNE LA MUSICA E EL RITMO NELE TO GIORNATE

Xemei (21 maggio - 20 giugno)

Avè poca vogia de fare i diplomatici e de soportare o suportare tuto e tuti. Se che imparè a dire no e ve sentí megio UN PUOCO DE SANO INDIVIDUALISMO NO GUASTARÀ

Cancaro (21 giugno - 20 luglio)

Stufi de acetare compromessi sta setimana sarè pí simili a dei eremiti che a ben messo a fuoco idee e desideri AMISSI PUOCHI MA BONI, TI DARÀ UN TAGIO ANCA CO LE CATIVE ABITUDINI

Leon (21 luglio - 20 agosto)

Sentirè in anticipo el bisogno de adobi lucicanti e fantasiosi, el Nadale xe no stato d'anemo e voialtri lo savè ben LUSTRINI E COCOLE E PAXE NEL CUORE

Vergine (21 agosto - 20 settembre)

Avè vogia de metarve soto axeo o grapa per un fià, mal soportè i tacaissi ficanaso o i fintoni aprofitatori DISTACO SARÀ EL VOSTRO COMANDAMENTO

Bilansa (21 settembre - 20 ottobre)

In forma e fighi grassie a na Venere strepitosa, acquistarè dei capeti no male e provarè a cambiare look ALA MODA E DIVERTII

Scorpion (21 ottobre - 20 novembre)

Ve sentí bei e piacevoli, quindi a vostro agio anca in situassiòn a volte scomode e questa xe na gran bela dote AVANTI COSSÍ! FARÈ STORIA

Sagitario (21 novembre - 20 dicembre)

Caro vecio telefono, care vece parole! Mai come ora avè el desiderio de contarvela a lungo co amissi fidati AVARÈ TANTO DA SENTIRE E DA CONTARE

Capricorno (21 dicembre - 20 gennaio)

Ribeli e nervosi, frenarè a sforso la lengua e anca el deo medio perché ve pare impossibile che a volte la stupidità possa essare cossí granda FRENA UN FIÀ, LASSA SCORARE...

Acquario (21 gennaio - 20 febbraio)

No xè colpa vostra se avè fascino, elegansa dolcessa e classe, signori se nasse e fortunatamente... LO SE SEMPRE STAI, ECO PERCHÉ I VE CORTEGE OGNI DÍ

Pessi (21 febbraio - 20 marzo)

Sta buora ta imatonio per qualche dí, ma no ti smeti de inseguire i to sogni anca controvento RICORDEVE COME CHE FA LE CARPE E PROSEGUÍ!