Oroscopo ciosoto dela Gina

• Tweet
• Pin It

Ariete (21 marzo - 20 aprile)

Centra l'argomento sensa massa giri de parole, ti te risparmiarà fraintendimenti anca sentimentali ESTATE CALIENTE

Toro (21 aprile - 20 maggio)

Ti à desiderio de studiare,aprifondire scoprire,ricercare,molate un fià sinó la spiagia sto ano no te vede EQUILIBRIA I DÍ TRA EL FRIVOLO E EL MENTALE

Xemei (21 maggio - 20 giugno)

Alcune incertesse ve farà titubare e chiedarè l'agiuto de amissi e parenti per aver conferma nele decisión RITROVEVE E RASICUREVE

Cancaro (21 giugno - 20 luglio)

La vita mondana ve confà un saco e i altri co voialtri sta ben, cossa volere de pí? NA MANCETA NO SARIA MALE…

Leon (21 luglio - 20 agosto)

Desiderosi de vivare recuperando i tempi persi, no feve ciapare dal’ansia xè l'efeto dei tanti mesi a casa CIRCONDEVE DE BELESSA E ANCA QUALCHE FRIVOLESSA

Vergine (21 agosto - 20 settembre)

Avè tanti impegni lavorativi ma serché de trovare el tempo per inquadrare megio i sentimenti CONFIDEVE SENSA TIMORI

Bilansa (21 settembre - 20 ottobre)

D'estate se sà se xè pí selvagi e intuitivi, avè fascino da vendare e sensualità fortissima SPONTANEI E MERAVIGLIOSI

Scorpion (21 ottobre - 20 novembre)

Quando che se vole a velocità sorprendenti grassie a intuito e inteligensa dà un puoco fastidio la superficialità altrui PASSA OLTRE NO PERDARE FIÀ

Sagitario (21 novembre - 20 dicembre)

Avè bisogno de un cambio totale de look, avè vogia de aparire e trovare un stile tuto vostro NOVA STAGIÓN TANTI CAMBIAMENTI

Capricorno (21 dicembre - 20 gennaio)

Spontaneità questo xè el problema, in un mondo de fintoni se reali e leali e no soportè le falsità AVANTI TUTA,SE NEL GIUSTO

Acquario (21 gennaio - 20 febbraio)

Avè bisogno de fare ordine partindo da chel armuà che no se sere gnanca pì per rivare a voi stessi ASCOLTEVE,COCOLEVE,PREMIEVE

Pessi (21 febbraio - 20 marzo)

Dai, n'altro pocolo sforseto e tuto ritornarà in equilibrio acompagnà dal to magico estro originale e perfeto RITORNÈ SULA CRESTA DEL'ONDA