Oroscopo ciosoto dela Gina

• Tweet
• Pin It

Ariete (21 marzo - 20 aprile)

Grassie a Venere ve sentirè abastansa in forma e piacevoli, anca l'umore sarà manco grigio MONDO CREATIVI E PROPOSITIVI AL LAVORO

Toro (21 aprile - 20 maggio)

No ste a corare trovando conclusión per ogni garbuio, no sempre el mondo xe contro de voialtri QUALCHE LUNGAGINE VE TARPE LA SERATA A INISSIO SETIMANA

Xemei (21 maggio - 20 giugno)

No ste a fare scelte afretae e poco calcolae, sopratuto nei acquisti UN VELO DE PÌ SAGESSA NO GUASTE

Cancaro (21 giugno - 20 luglio)

Stare ala larga da fufinioni che promete castei costruii solo in aria xè mondo importante LE OCASIÓN CO RIVE SE DISTINGUE

Leon (21 luglio - 20 agosto)

Pare filare tuto lissio e per el verso giusto grassie a Marte e Luna, ma no dormí massa sui alori PODARIA MUTARE DE COLPO LA SITUASSIÒN

Vergine (21 agosto - 20 settembre)

Podaria giungiarve novità notevoli e inaspetae, da riflessivi che se no avarè problemi ad adatarve LE BELE PERSONE XÈ SEMPRE BAXAE DAL SOLE

Bilansa (21 settembre - 20 ottobre)

Lassa stare l'ansia, scansala e pensa ad organixarte per nove strategie lavorative NOVI AGANCI PROFESSIONALI TE FARÀ BATARE EL CUORE

Scorpion (21 ottobre - 20 novembre)

Calma e carbura: avè tante mete che desideré ragiungiare, no temere l'ignoto SAVARÈ PIAN PIANELO REALIXARE I VOSTRI FUTURI PIANI

Sagitario (21 novembre - 20 dicembre)

Strachessa notevole e galopante, urge recupero dele forse, risparmia ogni spreco SFORSATE SOLO PER TROVARE NA VACANSA A BON PRESSO

Capricorno (21 dicembre - 20 gennaio)

A volte nele relassiòn sia d'amore che de amicissia, no xè mai tuto nero o tuto bianco PORGI LA MAN E METATE IN XIOGO

Acquario (21 gennaio - 20 febbraio)

Decidare trovando na solussiòn in poco tempo cree un fià de ansia,ma savarè scegliare ben NOVI PERCORSI AL'ORIXONTE

Pessi (21 febbraio - 20 marzo)

Se esce de pì e avarè la possibilità de rialaciare raporti co amissi desiderosi de vedarve e racontare I UMANI RAPORTI FA SEMPRE BEN ALO SPIRITO