Oroscopo ciosoto dela Gina

• Tweet
• Pin It

Ariete (21 marzo - 20 aprile)

Mondo de impulsività nele to giornate, ma ti sarà scaltro a farte scivolare ogni rabioxesso SARÈ CREATIVI E ALEGRI

Toro (21 aprile - 20 maggio)

Sempre in equilibrio fra le onde de impegni che te invade, sarè cocolosi e amabili LA PRIMAVERA XÈ PROPRIO LA VOSTRA STAGIÒN

Xemei (21 maggio - 20 giugno)

Caparbi in gamba,capaci de tuto, indipendenti e solitari, feve desiderare, bravi SÉ DIEXE METRI SORA

Cancaro (21 giugno - 20 luglio)

I to progeti continue e se de un'organixassión maniacale, precisi e creativi ANCA NELA VITA DE COPIA EMERGE NA NOTEVOLE FANTASIA

Leon (21 luglio - 20 agosto)

Necesitè de un restyling: ve sentì poco atraenti, poco in linea e tanto stanchi, l'umore xè balerìn SERCHÈ DE ESSARE MANCO CRITICI

Vergine (21 agosto - 20 settembre)

Sentimentali e romantici voressi tanto fugire dale fadighe quotidiane… DEVE ALA CUXINA E LE SENE ROMANTICHE A LUME DE CANDELA

Bilansa (21 settembre - 20 ottobre)

No avè pì vogia de ingiotire e subire, stavolta no fe sorixini e no volè far passare tuto SÉ IN MODALITÀ CORSA A PÌE NUI SUL PRATO

Scorpion (21 ottobre - 20 novembre)

Favorii de Mercurio e Giove avarè un notevole secs appeal e magnetismo forte INSOMA NO PASSARÈ INOSERVAI

Sagitario (21 novembre - 20 dicembre)

No saltare massa, governa i to nervi! Megio na parola demanco, anca sinque! A volte pare che tuti fraintenda le to parole CALMA…OMMM

Capricorno (21 dicembre - 20 gennaio)

Strachessa epocale, la matina gnanca un coro de alpini riussiria a farte scendare dal leto… PAPPA REALE, VITAMINE,SOLE, CURA PER TE STESSO, TIRATE SÙ

Acquario (21 gennaio - 20 febbraio)

Sempre ricercati, sopratuto adesso che se puole metare un puoco i pie fuora, però avè come un bloco e se puoco conviviali NO PREOCUPEVE LENTAMENTE RECUPERÈ EL TEMPO PERSO

Pessi (21 febbraio - 20 marzo)

Tante riflessioni ve acompagne, anca fantasie sul futuro e desideri de na vita … NULLA XÈ PERSO, SU CO L'UMORE!