Oroscopo ciosoto dela Gina

• Tweet
• Pin It

Ariete (21 marzo - 20 aprile)

Ti a saludà l’ano un fià sconfusionà e de corsa ma el novo ano promete baticuori e emossiòn che durarà.ANO NOVO DA TEMPO DELE MELE

Toro (21 aprile - 20 maggio)

Pevarini e socievoli, sarè l'anema dela festa de la Befana anca se sarè solo in do! Nissuni ve puole fermare,  bel'inissio! BEN ARMAI DE ALEGRIA, CHE SERVE SEMPRE TANTO

Xemei (21 maggio - 20 giugno)

No ghe ne lassè scampare una al'amato/a: cossa importe se i pomodorini no xè tagiai regolari? Sempre in pansa i và! FORTUNAI,PERÒ MONDO CONTROLAI, MOLEVE UN FIÀ

Cancaro (21 giugno - 20 luglio)

La Luna ve acompagne in sta indafarà setimana de transissiòn: sarè in forma e determinai nei vostri intenti RICORDEVE CHE XÈ ANCORA FESTA, CIAPELA CO PÌ LEGERESSA

Leon (21 luglio - 20 agosto)

Amore e famegia, questo ti chiedi e la Luna, dala toa, te acontentarà. Alenate però a giornate pi longhe e pesanti de queste… COCOLAI, VE NUTRÌ DE AFETO

Vergine (21 agosto - 20 settembre)

Pian pianelo la strachessa e lo stress ve abandone, Venere ve donarà fascino e serenità che tanto desiderè SETIMANA LONGA E CALIENTE

Bilansa (21 settembre - 20 ottobre)

Ocasiòn da no perdare! Sorprese e stupori ad ogni passo, gasai come non mai savarè sfrutare al megio ogni momento SARÀ UN INISSIO D’ANO ALEGRO E LUCICANTE

Scorpion (21 ottobre - 20 novembre)

Passiòn, amore, sodisfassiòn che rive finalmente! tuto merito del to insistere e provare sensa mai retrocedere I ASTRI TE PREMIE CO GRINTA DA VENDARE

Sagitario (21 novembre - 20 dicembre)

Emossiòn portae dale picole grandi sodisfassiòn che ve cavarè, avere un metodo e na bona passiensa porte a grandi risultati NO SERVE ESSARE SUPEREROI PER RAGIUNGERE LE ALTE VETE

Capricorno (21 dicembre - 20 gennaio)

Abandona l'ansia e date da fare…co cossa? Co le posate e un goto belo grando! Baste riflessiòn e titubanse ANCA SE SARÈ IN CUSINA TIREVE IN FÌN E CASSEGHE NA BALÀ

Acquario (21 gennaio - 20 febbraio)

Lassa stare le scaramuce col partner, no xe el momento de farse despeti, pitosto cuxinè el vostro piato forte e godeve le serate de festa BASTE PUOCO PER GIRARE LA SITUASSIÒN

Pessi (21 febbraio - 20 marzo)

Ocio ala dieta: è perché xè festa e perché xè vigilia dela festa, e perché avè avansi per na squadra... COMPRA DEI BULBI E PIANTALI CHE LA PRIMAVERA XÈ DADRIO L'ANGOLO, MA PRIMA ANCOR GHE XÈ FRITOLE E GALANI!