Oroscopo ciosoto dela Gina

• Tweet
• Pin It

Ariete (21 marzo - 20 aprile)

Setimana dubiosa co Mercurio in oposissiòn,sé pieni de questiòn e puoche risposte
UN FIÀ DE LEGERESSA NO GUASTE

Toro (21 aprile - 20 maggio)

Orientai verso la perfessiòn volè che amore e cariera sia otimali, ocio alo stress
NO AFOGARE I PENSIERI IN MASSA SPRISS

Xemei (21 maggio - 20 giugno)

Pianeto pianeto riacquistè forsa e concentrassiòn,fortificheve co na bona cura ricostituente
FORTUNA E BENESSERE DALA LUNA SPLENDENTE

Cancaro (21 giugno - 20 luglio)

Setimana sensa mexe misure: o volè alto in serenità o ve trovè coi pie anca massa incolai in tera e afaticai
DIVARIO NOTEVOLE TRA LAVORO E AMORE

Leon (21 luglio - 20 agosto)

Complice la pressiòn bassa ve sentì stramassai e co na strachessa da orsi prima del letargo
ADOPERA LA LOGICA DEL BRADIPO, PROSEGUI LENTO E FAI EL MINIMO

Vergine (21 agosto - 20 settembre)

Soridi e el mondo te soride, no importe se capite imprevisti, sarè solari e ve li magnarè!
SE MAGICI E POTENTI

Bilansa (21 settembre - 20 ottobre)

No avarè vogia de polemiche o perdite de tempo varie tipo discorsi inutili e sterili
SPARAGNÈ LE ENERGIE PER VOI STESSI

Scorpion (21 ottobre - 20 novembre)

Perché sminuirve? Perché svalutarve?Gli altri xe importanti, ma no i pole decidare se andè ben o meno
DEVE IMPORTANSA E AUTOSOSTEGNO

Sagitario (21 novembre - 20 dicembre)

Dialoga co le persone giuste,no co xente che dispresse ogni pensiero diverso
AFIDATE ALA TOA AUTENTICITÀ E CULTURA

Capricorno (21 dicembre - 20 gennaio)

Riussirè a gestire co facilità impegni lavorativi e personali, le energie no mancarà
BONI E LEALI,FUNAMBOLI CAPACI DEL VOSTRO TEMPO

Acquario (21 gennaio - 20 febbraio)

Pì riflessivi e meno fiduciosi verso alcuni amissi che considerè fidai ma che va deluso un puoco
SETIMANA DEL' AMORE E CURA PER SÉ

Pessi (21 febbraio - 20 marzo)

Pensieri in sospeso ma anca sodisfassiòn. La vita à sempre do lati dela medagia
MAI DIRE MAI ...