Oroscopo ciosoto dela Gina

• Tweet
• Pin It

Ariete (21 marzo - 20 aprile)

Ocio a no caregare massa la setimana co orari precisi e calcoli svisseri. Se in gamba ma no infalibili. RESPIRA E RICALCOLA EL TRAGITO SENSA PREMURA.

Toro (21 aprile - 20 maggio)

La xente alegra el ciel l'agiuta. Ai musi longhi rispondè co un sorixo a quaranta denti. Se intocabili. STRATEGHI INTELIGENTI, OTIMI DIRETORI DELA VOSTRA VITALE ORCHESTRA.

Xemei (21 maggio - 20 giugno)

Concreti, rivè al sodo, no ve fe fantasie, se realistici pì del re e metè tuto in preventivo, se instancabili. PER QUESTO VE MERITÈ UN FINE SETIMANA STREPITOSO E PIENO DE CUORICINI.

Cancaro (21 giugno - 20 luglio)

Se qualchedun roxeghe ale to spale a ti no te interesse. Se l'aria se fa pesante ti ti alsi i tachi. SE MASSA CONCENTRAI PER FARE BEN PER ASCOLTARE CHI CHE AGISSE MALE.

Leon (21 luglio - 20 agosto)

La Luna brile ma ti ti te senti un fià afanà, ti xè straco e ansioso e ti serchi de fare quadrare tuto. IMPREVISTI NO RINVIABILI E STRACHESSA CRONICA, SE ABASTANSA OCUPAI, INSOMA.

Vergine (21 agosto - 20 settembre)

Chi che se ferme xe perso, no sia mai che ghe sia un weekend de relax o de ossio. No ghe riussì ve anoiè. SE L’INDIANA JONES DEI SEGNI. BISOGNA CHE ORGANIZÈ, CREÈ, CONOSSÈ.

Bilansa (21 settembre - 20 ottobre)

Forse volè rifarve el look, ma in verità xè che emerge dal vostro profondo una sete de emossioni che no podè fermare. CAMBIARE, CAMBIARE VINSARE LE PROPRIE PAURE PER RICOMINSIARE.

Scorpion (21 ottobre - 20 novembre)

Pieni de lavoro da recuperare, divergense a casa e coi coleghi, ma sicome no sé dei piagnisdei ve metè ala prova. DIVERSITÀ COME RICHESSA, NO VE PIASE VINSARE FACILE.

Sagitario (21 novembre - 20 dicembre)

Fuga romantica inaspetata, ve piase l’aventura,l' imprevedibilità e el picantìn. PREPARA LA VALIGIA, POCHE IMPORTE DOVE CHE SE VÀ.

Capricorno (21 dicembre - 20 gennaio)

Malinconici e nostalgici, vardè le foto dei tempi passai e ricordè emossiòn in modo molto chiaro. MA PENSA AL PRESENTE E AL FUTURO,I SE PREANUNCE MONDO PROMETENTI.

Acquario (21 gennaio - 20 febbraio)

Setimana intensa e fadigosa e la gastrite aumente, no se dei perditempo e volè le robe fate ben. MA FINIO EL LAVORO BASTE UN SPRISS COI AMISSI PER RILASSARVE E FARVE TORNARE EL SORIXO.

Pessi (21 febbraio - 20 marzo)

Sé i favorii de Giove e Urano, impegnai co moderassiòn riussirè a ritaiarve spassi de libertà e sfogo dala routine. ALEGRI XÀ SENTÌ L'ARIA DE PRIMAVERA CHE RINCUORE E RINFRANCHE.