Oroscopo ciosoto dela Gina

• Tweet
• Pin It

Ariete (21 marzo - 20 aprile)

Tanta strachessa che aumente anca a causa del tempo balerín, recuperare le forse xè necessario FAI LO STRETO NECESARIO

Toro (21 aprile - 20 maggio)

Per sfugire al grigiume, la ripetissiòn, el vuodo che a volte ne circonde bià rifugiarse nel belo e la poesia CULTURA, CULTURA, CULTURA

Xemei (21 maggio - 20 giugno)

Sempre eficienti e co carica a mile, tuti ve dixe che se gran bravi, ma ralentare saria pí che giusto OTIMIXA

Cancaro (21 giugno - 20 luglio)

L'autuno scolore un puoco tuto, ocio a no cambiare colore nei sentimenti ti, scaldate e soridi FAMEGIA E CONFORTO

Leon (21 luglio - 20 agosto)

Sto tempo ve mete ala prova, salute e umore ghe ne risente, sercarè in tuti i modi de resistare EL GRIGIO PASSARÀ

Vergine (21 agosto - 20 settembre)

Sé cossí poetici da poder modificare l'umore del'amato, i vostri silensi dixe de pí de tante parole SE COME RAGI DE SOLE

Bilansa (21 settembre - 20 ottobre)

Grandi responsabilità e impegni no precludarà la to vogia de fare festa o de ricavare i to spassi BEN ORGANIXAI

Scorpion (21 ottobre - 20 novembre)

A volte serve rivedere certi ategiamenti e coregiarse fin che se xè in tempo, baste davero puoco DOPO SARÈ PÍ IN EQUILIBRIO

Sagitario (21 novembre - 20 dicembre)

Fusse per voialtri andaressi sempre a mostre ed eventi, co dei bei cambi de luk, ma ghe xè anca i dí de lavoro! CORAGIO, I PASSE SVELTI!

Capricorno (21 dicembre - 20 gennaio)

Cossa ghe xè de pí caro de un abracio,na caressa, l'ascolto e l' empatia? SARÈ RICINOSCENTI E I LO SARÀ ANCA CO VÚ

Acquario (21 gennaio - 20 febbraio)

Proietai verso le feste de fine ano e i viagi, quei divertenti e liberatori,ghe n'avè proprio bisogno AVARÈ MODO DE ORGANIXARVE PER BEN

Pessi (21 febbraio - 20 marzo)

Ascolta el fisico e no tirare massa la corda, riposate, magna ben, soridi fai un balo e cocolate LO SPIRITO RINGRASSIARÀ