Oroscopo ciosoto dela Gina

• Tweet
• Pin It

Ariete (21 marzo - 20 aprile)

I cambi repentini de tempo e l'umidità ve stende un puocheto, andeghe piàn co tuto NO SFORSEVE

Toro (21 aprile - 20 maggio)

A volte restemo sensa parole davanti a certe robe e cossí el modo migliore per resistare xè pensare ad altro FREGHEVENE

Xemei (21 maggio - 20 giugno)

Tuti ve serche per le capacità che avè de risolvare situassiòn intrigae, na gran dote avè! NO SPRECARE LE FORSE PER TUTI PERÒ

Cancaro (21 giugno - 20 luglio)

Ocio ala salute e ai segnali che podemo sentire in anticipo VOLEVE BEN E NO ABUSXÈ DELE VOSTRE FORSE

Leon (21 luglio - 20 agosto)

Qualche aciacheto dovuo al passaggio da caldana al giasso del condissionatore OCIO A RECE E OSSI

Vergine (21 agosto - 20 settembre)

Doma el nervoso per essare imparsiale e equilibrà nele scelte, la stanchessa comporte giudissi afretai CALMA

Bilansa (21 settembre - 20 ottobre)

Co piassere acetarè de ricoprire un ruolo degno dele vostre capacità BRINDARÈ PER QUESTO

Scorpion (21 ottobre - 20 novembre)

A volte megio de manco pitosto che de pí, megio un'assensa de na presensa che ve pole apesantire SILENSIOSI E FIERI

Sagitario (21 novembre - 20 dicembre)

Sesto mese dal'ano e sensassiòn de averghene xà in copa dodexe, se mondo strachi TIOTE DEL TEMPO PER NO MOVARE GNANCA UN DEO

Capricorno (21 dicembre - 20 gennaio)

Desiderio de feste, sciopin irefrenabile, sole, brindisi, alegria per alontanare ogni pensiero negativo CHI TENTA VINSE

Acquario (21 gennaio - 20 febbraio)

La rivarà la tanto agognà tintarela, la rivarà la balà soto le stele, porta passiensa el tempo xè vissín LO SO,AVÈ VOGIA DE SENTIRVE LIBERI

Pessi (21 febbraio - 20 marzo)

Quanto avè dà, quanto continuè a dare, la strachessa xè tanta ma no molè, e per questo dovè premiarve ANDÈ AL MARE UN PUOCO A RONCHEXARE