Oroscopo ciosoto dela Gina

• Tweet
• Pin It

Ariete (21 marzo - 20 aprile)

L'ano xè longo, lo sò che avè i postumi de sene e pranxi e ve manche tanto el divano, ma felo un sorixo ogni tanto! DADRIO L'ANGOLO VE ATENDE DELE SORPRESE GRADIE

Toro (21 aprile - 20 maggio)

Vogia de brilare in sto novo ano, finalmente ve pare ciare e semplici tute le questiòn, sichè no ve tiolè pí de tanto la vita per le bagatele MAGNETICI E SPIRITOSI

Xemei (21 maggio - 20 giugno)

Tanto lavoro, tante energie perché vedè che funsionè ben e savè cavarvela mondo ben,anca l'alegria no mancarà co sorprese amichevoli TANTO BEI E TANTO SENSUALI

Cancaro (21 giugno - 20 luglio)

Usa la pila anticiavà: controla ben se i sorixini xè sinceri o se i vuole solo aprofitare dela vostra bravura e bontà SARÈ AMOREVOLMENTE CONSOLAI

Leon (21 luglio - 20 agosto)

Presissimi dai sconti, ma freneve n'atimo: ve serve davero tuto quelo che tiolè? Dedicheve pí tempo per legiare, scrivare, farve bei FRENA L'IMPULSO

Vergine (21 agosto - 20 settembre)

Mai fermi, sempre ben organixai che sia lavoro o weekend divertenti, ma ocio a no rabiarve davanti ale tante stupidità o ignoranse NO BILE, PÍ RISATINE

Bilansa (21 settembre - 20 ottobre)

Venere te porte tanta fortuna, ma no imbriagarte da solo! Calma e ragionevolessa ghe vuole, no impulsività che te fa corare sensa pensare UN SORIXO,UN RESPIRO MANCO PREMURA

Scorpion (21 ottobre - 20 novembre)

Setimana co puoca vogia de soportare ciacoloni e lagnosi, ocio a no magnarveli vivi, perché dopo dovarè rimediare L'OBIETIVO DEVE ESSARE EL WEEKEND

Sagitario (21 novembre - 20 dicembre)

Se mondo sensibili e le opiniòn de familiari e amissi puole contagiarve sia in positivo che in negativo, però no feghene n'afare de stato CONCENTREVE SU VOIALTRI

Capricorno (21 dicembre - 20 gennaio)

Misteriosi e intriganti no se ciacoloni e no rivelè massa pensieri e idee, per questo sarè sercai e ve sarà chiesto de esprimare opiniòn e condividare progeti XÈ EL VOSTRO MOMENTO

Acquario (21 gennaio - 20 febbraio)

Dai, forsa, no andare in sbatimento, semo tuti ancora mexi indormensai, l'importante xè fare picoli passi precisi e calibrai sta setimana per cavarvela co classe! RIVARÀ XÀ SODISFASSIÓN E PRIME DIVERTENTI USCITE

Pessi (21 febbraio - 20 marzo)

Inissia l'ano co tante sane uscite e vita sociale, se adati per stare insieme,divertirve, fè e ricevè del ben IN FONDO L'INVERNO XÈ AL GIRO DE BOA!