Oroscopo ciosoto dela Gina

• Tweet
• Pin It

Ariete (21 marzo - 20 aprile)

Decelerare sarà l'assiòn megio da fare, fuora xè xà profumo de panetoni e la to frase d'ordine sarà: -Ma chi me lo fa fare? GHIRI POLTRONI E COCOLONI

Toro (21 aprile - 20 maggio)

Sicome el too ti lo sà fare e anca mondo ben, no ti aceti co facilità che i te prova a comandare, sopratuto se a fini malefici POLVERIXELI CO LO SGUARDO E I VE LASSARÀ QUETI

Xemei (21 maggio - 20 giugno)

Setimana umida e piovosa e voialtri no avarè vogia de muovare gnanca mexo deo, gnanca se i ve sone per un'ora el campanelo BRAVI, RIPOSEVE CHE CO CALMA E TEMPO FARÈ

Cancaro (21 giugno - 20 luglio)

Anca per voialtri atachi de poltronite acuta: beh anca soto el plaid se puole tiore decisiòn e lavorare AL CALDUCIO VIEN SEMPRE LE MEGIO ISPIRASSIÒN

Leon (21 luglio - 20 agosto)

Ultimamente avè scoperto quanto ben che se sta in silensio e tuto pare pí ciaro, semplice, concreto COSSÍ AVARÈ ANCA PÍ TEMPO PER RILASSARVE

Vergine (21 agosto - 20 settembre)

Se i altri segni à un fià de poltronite, voialtri avè la letite e el pigiama xè la vostra seconda pele: parenti e amissi ve dà ormai per dispersi DEVE NA RESETÀ E USCÍ CHE AVÈ ARETRATI IN ABONDANSA

Bilansa (21 settembre - 20 ottobre)

Precisi, obietivi,sagi sé pieni de doti e adesso le vien fuora tute! No ghe xè niente che no ti possi fare! CO SE DIXE AVERE NA MARCIA IN PÍ I VE PENSEVA!

Scorpion (21 ottobre - 20 novembre)

El look xè importante: sempre in regola e descossai savarè conquistare co naturalessa capi e coleghi FIGHI E SICURI

Sagitario (21 novembre - 20 dicembre)

Ok, piove, ok, i film de Nadale ansitempo xè bei, ma baste lagremoni e ciocolatini e date na drissà BASTE SMANCERIE E EMOTIVITÀ, TIRA FUORA LE ONGE!

Capricorno (21 dicembre - 20 gennaio)

Pí sicuri e determinai ve sistemarè per la setimana, a forsa de regole e post it che ve ricorde i apuntamenti farè sempre bela figura SVISSERI E CONTENTI

Acquario (21 gennaio - 20 febbraio)

Sciò, via! Chi che no te gradisse pole anca girare i tachi, dele to idee e iluminassiòn al lavoro i altri no pole stare sensa FEVE VALERE E NOTARE SOPRATUTO SE PORTÈ INOVASSIÒN

Pessi (21 febbraio - 20 marzo)

Bei, sensuali e a volte in aparensa irangiungibili, ma xè solo un'idea sbaglià che à chi che no ve conosse ben SE UMILI E AMALIANTI AL TEMPO STESSO