Oroscopo ciosoto dela Gina

• Tweet
• Pin It

Ariete (21 marzo - 20 aprile)

Lassa perdare i pensieri e serca rifugio nele robe divertenti e rilassanti LIBERA LA MENTE E PASSA VIA

Toro (21 aprile - 20 maggio)

No sfieleve e conservè le energie per amissi e famegia, ve giovarà XÈ GIUSTO COSSÌ

Xemei (21 maggio - 20 giugno)

Tanto lavoro merite anca bone pause rigeneranti e alora ricavatele PERÒ NO DESMENTEGARE I AFETI

Cancaro (21 giugno - 20 luglio)

Desiderè afeti famegia e vicinansa e magari qualche viageto o svago QUELO CHE CONTE LO AVÈ

Leon (21 luglio - 20 agosto)

Se podessi voressi stare sempre insieme ai afeti e proteti da tute le schifosità in giro LA FAMEGIA EL TO POSTO MAGICO

Vergine (21 agosto - 20 settembre)

Torna a soridare adoperando legeressa e amore che a volte trascurè per el lavoro PENSA A TI E ALE PRIORITÀ VERE

Bilansa (21 settembre - 20 ottobre)

Mai stufi de aprofondire i vostri saperi e conoscense, fusseli tuti cossì saria belo MAI FERMI

Scorpion (21 ottobre - 20 novembre)

No ve piaxe i confliti e li scampè perché i xè solo spreco de energie SE SOLO I ALTRI LO CAPISSE

Sagitario (21 novembre - 20 dicembre)

No sercare de convinsare i altri i ghe rivarà prima o poi a capirlo da soli NEL FRATEMPO VAI PER LA TOA

Capricorno (21 dicembre - 20 gennaio)

Avaressi vogia de concerti, feste, ma sopratuto caldo e possibilità de gadarvela INTANTO PROGETA

Acquario (21 gennaio - 20 febbraio)

Ciama na persona che no ti senti da tempo e che per ti xè importante, a sarà contento L'AMICISSIA NO VARDE L'OROLOGIO

Pessi (21 febbraio - 20 marzo)

Ricominsiare a ocuparte de ti, volerte ben, vissiarte un puoco te farà stare megio ESCI E NO SENTIRTE IN COLPA