Oroscopo ciosoto dela Gina

• Tweet
• Pin It

Ariete (21 marzo - 20 aprile)

Stufi de atendare ve se dai un limite e na data da rispetare, avè fato ben! CO LA GHE VUOLE LA GHE VUOLE

Toro (21 aprile - 20 maggio)

Pì morbidessa e calore e anca cocolosità lassa perdare dosi e misurini ma liberate PÌ CAOS BÒN

Xemei (21 maggio - 20 giugno)

A volte ascoltare un consiglio male no fa se a xè de na persona che ve vuole ben PROVARE NO FA MALE

Cancaro (21 giugno - 20 luglio)

Voleve pì ben, sercando de essare manco duri co sé stessi aspirando ala legeressa LENTESSA E AFETO

Leon (21 luglio - 20 agosto)

Alontana i pensieri stando in compagnia e faxendo picole mosse ben ritmae e alegre UN PUOCO ALA VOLTA

Vergine (21 agosto - 20 settembre)

Navegare tanto coi pensieri rivando a conclusiòn corete tra tanta superficialità PROFONDI TANTO

Bilansa (21 settembre - 20 ottobre)

Xà percepì la primavera in lontanansa e la vogia de evadare dal quotidiano xè tanta VE CIAPARÀ EL SGHIRIBISSO

Scorpion (21 ottobre - 20 novembre)

Dopo i panetoni i mandolati le bevue e le magnae xè rivà el tempo de smaltire SENSA PERÒ DIGIUNI O FAME NERA

Sagitario (21 novembre - 20 dicembre)

A volte el tempo pare tanto ma dopo de colpo se se trove ai sgocioli de premura MEGIO FARSE UN PIANO

Capricorno (21 dicembre - 20 gennaio)

Scacia via ansie e sensi de inadeguatessa perché semo tuti precisi, alcuni finge megio BUTATE IN PISTA E BALA SENSA FRENI

Acquario (21 gennaio - 20 febbraio)

Rivedare certi raporti e scoprire le carte in tola per capire se vale o no la pena XÉ GIUSTO RIFLETARE E CAPIRSE

Pessi (21 febbraio - 20 marzo)

Aria de rinovamento e de crescita che ve condurà a na maturassión interiore XÀ PERCEPÌ LA PRIMAVERA