Oroscopo ciosoto dela Gina

• Tweet
• Pin It

Ariete (21 marzo - 20 aprile)

Sempre de premura, avaressi bisogno invesse de fare le vostre robe co calma BIÀ ACETARE DEI COMPROMESSI

Toro (21 aprile - 20 maggio)

Un fià de ansia e tristessa da spassare via co luxe e cocole, stai in compagnia TEMPO DE LUCETE E SPERANSE

Xemei (21 maggio - 20 giugno)

Bià sparagnare e saldare pagamenti perché xè facile desmentegarsene! MEGIO PRIMA CHE DOPO!

Cancaro (21 giugno - 20 luglio)

Libereve dai pensieri bui e fe entrare luxe e paxe nele vostre giornate, alegria e sorixi RIDARE XÈ NA CURA

Leon (21 luglio - 20 agosto)

Cacia via l'ansia e apressa quelo che te circonde amirando quelo che ti à costruio APLICA LEGERESSA

Vergine (21 agosto - 20 settembre)

Ralenta e scolta el to fisico che xè un tempio sacro, vissiate un fià VOLEVE BEN

Bilansa (21 settembre - 20 ottobre)

Certe robe ve fa rifletare e ve lasse basito megio no perdare tempo e fià I CAPIRÀ COSSA CHE INTENDÈ

Scorpion (21 ottobre - 20 novembre)

Aria de Nadale, la spetè, la desiderè tuto l'ano e l'aplichè nele vostre giornate PICOLI ELFI POSITIVI

Sagitario (21 novembre - 20 dicembre)

Tempo de rivolussionare casa e aspeto, fai le to scelte e serca quelo che fa per ti NO BADARE A SPESE

Capricorno (21 dicembre - 20 gennaio)

In serca de tempo per fare mile robe, per no svalvolare ve convien definire le priorità SCANSA LA PREMURA

Acquario (21 gennaio - 20 febbraio)

No feve massa ciapare da black friday e conveniensa, pare tuto regalà, no xè cossì MEGIO FARE SCELTE PONDERAE

Pessi (21 febbraio - 20 marzo)

Disconetarve dai social ve farà solo che ben, ve godarè luoghi e persone MEGIO DO PASSI E NA CIOCOLATA CALDA