Oroscopo ciosoto dela Gina

• Tweet
• Pin It

Ariete (21 marzo - 20 aprile)

Caldo,fredo, caldo,fredo, se sue e dopo se ciape sù, ste atenti che dopo bià curarse PROTEGÈVE NO XÈ DA GIACHETA

Toro (21 aprile - 20 maggio)

Se strachi duri ma no volè saverghene de fermarve, volè godarve ogni secondo NA BELA CAMOMILA DOPIA MALE NO FA

Xemei (21 maggio - 20 giugno)

Anca vù no savè cossa che vogia dire ossiare e ronchexare, qua ghe vuole yoga CALMA, RIPOSO

Cancaro (21 giugno - 20 luglio)

Fare movimento protege e fortifiche, no serve stressarse, baste essare costanti DUE, DUE, DUE, DUE (COME SPANK)

Leon (21 luglio - 20 agosto)

Co sone la svegia voressi avere un lanciafiame, ma no podè, ebi furbissia NO DARE MASSA SE NO VIEN CAPÌO

Vergine (21 agosto - 20 settembre)

Scoltè fisico e naso, co se stranue e se xè ko bià dormire e recuperare sensa esitare NO SPETARE ALTRO

Bilansa (21 settembre - 20 ottobre)

Ok stare insieme ma no vedè l'ora de ricavarve un spassio e fugire dal casìn TROVA UN POSTO TUTO TOO

Scorpion (21 ottobre - 20 novembre)

Elimina le schifese e recupera sane abitudini, in puoco tempo vedarè i fruti VOGITE PÌ BEN

Sagitario (21 novembre - 20 dicembre)

Megio no spetarse niente per sorprendarse de tuto dopo, ve farà ben LIBERA LA MENTE DA ASPETATIVE

Capricorno (21 dicembre - 20 gennaio)

Ve colpisse alcune meschinità e no savè davero capirle, per fortuna! Sii fiero de ti MEGIO COLOMBE CHE AVOLTOI

Acquario (21 gennaio - 20 febbraio)

Urge sciopìn consolatorio e vogia de picole rivolussiòn, parti da un profumo, un anelo... PARTI DA TÌ E NO SPETARE NISSÙN

Pessi (21 febbraio - 20 marzo)

Farse dei doni salvaguarde umore e stima de sé, fevelo belo sensa badare a spese CO GHE VUOLE, GHE VUOLE