Oroscopo ciosoto dela Gina

• Tweet
• Pin It

Ariete (21 marzo - 20 aprile)

Sti sbalsi te sbale, ciapate el tempo che te serve per ricalibrare le forse INTANTO SBRIGA FACENDE MANCO PESANTI

Toro (21 aprile - 20 maggio)

Per no farse roxegare dal'ansia circondeve de calore, colore e pensieri piacevoli AMORE E CALORE

Xemei (21 maggio - 20 giugno)

Sempre pí decisi dele scelte che avè fato, dei desideri che avè sodisfato e de quei che realixarè SPLENDENTI

Cancaro (21 giugno - 20 luglio)

A volte ascoltarse e fermarse xè importante quanto volerse pí ben e rispetarse RIPOSO E AFETO

Leon (21 luglio - 20 agosto)

Per quanta fadiga ti ebi fato e per quanto te se ne speta, adesso te interesse solo dei to afeti VICINANSA

Vergine (21 agosto - 20 settembre)

Strachessa suprema e bisogno massimo de recuperare per salute e anemo FERMATE E RIPOSA

Bilansa (21 settembre - 20 ottobre)

Avanse anca per ti na sfiancagine imperiale co necessità imediata de fermarte NO SPETARE

Scorpion (21 ottobre - 20 novembre)

Fe un' assiòn positiva per ti e per i to cari, no pensarghe massa, stupissali e stupissate LA MAGIA QUELA BELA

Sagitario (21 novembre - 20 dicembre)

Megio fugire dale provocassiòn e le fastidiose polemiche, avè bisogno de stare queti SCAMPA DAL CASÍN

Capricorno (21 dicembre - 20 gennaio)

No trascurare chel fastidio e vogite ben, el resto ti lo farà sensa problemi e intralci VE SENTIRÈ PÍ LEXIERI

Acquario (21 gennaio - 20 febbraio)

Chi xè che à bisogno de festa, viagi e alegria? Voialtri! Sempre e a tute le ore del dí AVERVE VISSÍN XÈ XÀ NA VACANSA

Pessi (21 febbraio - 20 marzo)

Quanta fadiga, quanto amore, quanta dedissiòn, dixeve bravi da soli perché ve lo meritè COCOLEVE E VISSIEVE SENSA REMORE