Oroscopo ciosoto dela Gina

• Tweet
• Pin It

Ariete (21 marzo - 20 aprile)

Sempre puntuali e precisi, tutavia sentí che l'aria se fà pí primaverile, quindi ve la ciapè pí comoda RESPIRÈ UN FIÀ

Toro (21 aprile - 20 maggio)

Baste corare,baste privarve de riposo e tempo libero, queteve e pensè ala famegia e al relacs STACA E RIPOSA

Xemei (21 maggio - 20 giugno)

No sforseve, no tirè la corda, meta la to salute al centro e no afanarte per fare mile robe NA ROBA PER VOLTA

Cancaro (21 giugno - 20 luglio)

Sempre interessai ala scoperta de la cultura e dela verità, nissún ve pole fermare CAPARBI E STUDIOSI

Leon (21 luglio - 20 agosto)

Sentí aria de primavera ma al tempo stesso sentí ala carica l'ansia che de note ve fa intorsiolare in leto CIAPA NA ROBA PER VOLTA

Vergine (21 agosto - 20 settembre)

Diligenti e scatanti, no fe in tempo ad avere un impegno che ve metè subito al lavoro per farlo nel modo migliore DEDICATE DEL TEMPO PER TI E NO PENSARE A ALTRO

Bilansa (21 settembre - 20 ottobre)

Avertire un fià de malinconia no xè sempre qualcossa da alontanare, sarè pí sensibili e ragionevoli EMPATIA E SENSIBILITÀ

Scorpion (21 ottobre - 20 novembre)

Stachè adesso, al resto ghe pensarè, avè solo vogia de no pensare a niente per un atimo e asecondare i vostri desideri ACONTENTEVE VE LO MERITÈ

Sagitario (21 novembre - 20 dicembre)

Se avè tempo ciamè un amico e feghe capire de essare presenti e vissini, tante volte bevare un caffè insieme ralegre PRONTI ALL'ASCOLTO

Capricorno (21 dicembre - 20 gennaio)

Strachessa da ascoltare, no sé dei strassoni da pavimento, bià che ralentè e ve spupassè demanco RIPOSEVE E STACHÈ

Acquario (21 gennaio - 20 febbraio)

Dopo i bagordi del Carnevale se xà che pensè ai viageti da fare a Pasqua, bravi, avere bele mete da ragiungiare alieve giornate pesanti AFRONTA LE GIORNATE COL SORISO

Pessi (21 febbraio - 20 marzo)

El sole che se fa sempre pí tiepidín te rincuore e nonostante qualche pensiero vedè el belo in tuto, come sempre ANIMA PURA PENSE SEMPRE AL BELO