Oroscopo ciosoto dela Gina

• Tweet
• Pin It

Ariete (21 marzo - 20 aprile)

Cominsiè a vedarghe ciaro e a rilassarve un fià de pí VE SENTÍ DIEXE CHILI DEMANCO

Toro (21 aprile - 20 maggio)

Contro el logorio dela vita moderna ghe vuole arte,musica e relacs FORSA CIRCONDEVE DE BELESSA

Xemei (21 maggio - 20 giugno)

Nonostante impegni incontrolabili e casini de tuti i generi riussirè a gestirve AVÈ LA BACHETA MAGICA

Cancaro (21 giugno - 20 luglio)

Serca de domare el nervoso,godi dele giornate limpide de sole, vai in diga,camina,nasa l'aria NATURA E RESPIRO

Leon (21 luglio - 20 agosto)

Pur sercando de alontanare la sensassiòn de stress el fisico te mande messagi e telegrami OCIO, VOGITE PÍ BEN

Vergine (21 agosto - 20 settembre)

Anca per voialtri tirare massa la corda ben no fa e alora risparmia un fià le fadighe e fermate GODI UN FIÀ DELA VITA ATORNO A TI

Bilansa (21 settembre - 20 ottobre)

Mal digerí avarissie o privilegi, alora co classe felo notare e fugí da intrighi e noie STARÈ SICURAMENTE MEGIO

Scorpion (21 ottobre - 20 novembre)

Puntuali nei impegni ma precisi nei afari personali, se eleganti anca nel modo de fare NATI CO LA CAMIXA

Sagitario (21 novembre - 20 dicembre)

Come un mandorlo che mete le prime geme percepí el cambiamento e anca el risveglio della natura GIOIRE PER PE PICOLE ROBE

Capricorno (21 dicembre - 20 gennaio)

No importe se sgarè co la dieta, meritè un premio che ve daga sodisfassiòn SFUOGHEVE UN FIÀ DOPO TORNARÈ IN RIGA

Acquario (21 gennaio - 20 febbraio)

Sempre pronti per fare la valigia e stare co i amissi pí cari, el calore dà speransa e gioia SE BRILANTI E SPUMEGIANTI

Pessi (21 febbraio - 20 marzo)

Vogia de cambiare qualcossa in casa o nel look, sentí che avanse la primavera e vore farve trovare puntuali SE POLE INISSIARE LA RIVOLUSSION ANCA DA UN FIORE