Oroscopo ciosoto dela Gina

• Tweet
• Pin It

Ariete (21 marzo - 20 aprile)

Xè ora de cambiare, e forse ti à anca idea de come fare, l'importante xè decidarse IN TEMPO E PRONTI

Toro (21 aprile - 20 maggio)

Strenxare denti e pugni, sicuri dei propri traguardi e conquiste, l'importante xè essare alenai e forsuti OP OP GHE LA FE

Xemei (21 maggio - 20 giugno)

Mai stufi de sercare e scalare le vete pí alte, se dei profesionisti e niente ve ferme SEMPRE PÍ IN ALTOOOO

Cancaro (21 giugno - 20 luglio)

Complice sto tempo tacaisso e nebioso avertí un puoco de nervoso nei altri e in voi stessi LIBEREVE DAI STRESS CO SANE PASSEGIATE

Leon (21 luglio - 20 agosto)

Avertí dei aciachi, scolteli e no sotovaluteli sempre, rispeteve,meteve in primo piàn NO SFUOCHÈ EL VOSTRO IO

Vergine (21 agosto - 20 settembre)

Anca vú avè bisogno de un puoco de tregua, de rispetarve e seguire certi segnali e avere cura AMEVE, SE UNICI

Bilansa (21 settembre - 20 ottobre)

Na volta riussivi a incalanare tute le forse per i vostri obietivi, no xè cambià nula, lo podè fare ancora SCARTA LE PERDITE DE TEMPO

Scorpion (21 ottobre - 20 novembre)

Voressi giornate longhissime per riussire a fare tuto, forse xè el caso de equilibrare un fià i contenuti MISURA E OTIMIXA

Sagitario (21 novembre - 20 dicembre)

A volte semo de corsa e concentrai su robe superflue, pensa al'essensiale, el giusto, sensa fronsoli XÈ IMPORTANTI LE FONDAMENTA

Capricorno (21 dicembre - 20 gennaio)

Sto tempo da cimici spussoloxe ve rende rabiosi e voressi emigrare al caldo, progeta na fuga rilassante ANCA I BEI PENSIERI CALME E RALEGRE

Acquario (21 gennaio - 20 febbraio)

Feste e primi divertimenti autunali, se sempre pronti per stare in compagnia, brindare, gioire dela compagnia ALEGRIA!

Pessi (21 febbraio - 20 marzo)

Per sfugire al grigiume concentreve sui colori, el caldo de un abracio, la stima, l'afeto e qualche spesa passa SORIDI E CIAVATENE DEI MUSI LONGHI