Oroscopo ciosoto dela Gina

• Tweet
• Pin It

Ariete (21 marzo - 20 aprile)

Ocio ai bogiori e ale corenti d'aria, protegi sopratuto el colo,baste puoco sia per ciaparsela sia per riguardarse IN GUARDIA

Toro (21 aprile - 20 maggio)

Mai fermi gnanca de note,se na grande fabrica de idee e proposte, scrivevele perché le xè pregiate SEMPRE UMILI E RISPETOSI

Xemei (21 maggio - 20 giugno)

El vostro sogno saria avere un rifugio in montagna, no avendolo ve ingegnè per ricavare momenti de libertà e paxe COME HEIDI E PETER

Cancaro (21 giugno - 20 luglio)

Lavora sula calma, el silensio, lo sfogo personale fato de chilometri in marcia coltivando le passiòn GHE NE GIOVARÀ SALUTE E PRESSIÒN

Leon (21 luglio - 20 agosto)

Carburare in autuno no xè facile, ve voria na vacansa per recuperare ma no inporte, fe picoli passi costanti NO VARDARE MASSA LONTÀN

Vergine (21 agosto - 20 settembre)

Scoltè el fisico sensa tirare massa la corda, ricavate spassi e riposo sensa sentirte in colpa DORMA E PROTEGITE

Bilansa (21 settembre - 20 ottobre)

Tempo de bilanci per decidare quali sarà le nove sfide autunali e le mete che volè ragiungiare SEMPRE PÍ IN ALTO

Scorpion (21 ottobre - 20 novembre)

Evitare batibechi e incomprensiòn per bagàtele per ti deve essare la regola, per guadagnare tempo e salute INISSIA STO NOVO SPORT

Sagitario (21 novembre - 20 dicembre)

Va ben dieta e palestra ma no vivarla come imposissiòn ma come cura per guarire dai picoli aciachi CO CALMA E MISURA

Capricorno (21 dicembre - 20 gennaio)

Avè molte curiosità e desiderio de conossare qualcossa de novo, bravi,no sa mai finio de imparare METODICI E STUDIOSI

Acquario (21 gennaio - 20 febbraio)

Tante saria le robe da dire ma convièn fare na scrematura e selessionare le pí importanti I VE ASCOLTARÀ CO ATENSIÒN

Pessi (21 febbraio - 20 marzo)

Per resistare al'autuno consiglio de circondarve de bele robe e bei pensieri domando ansie e stress LEGERESSA E AMORE