Oroscopo ciosoto dela Gina

• Tweet
• Pin It

Ariete (21 marzo - 20 aprile)

Qualche momento de libertà te permetarà de sistemare facende restae in sospeso ORDINE E SODISFASSIÒN

Toro (21 aprile - 20 maggio)

Per recuperare le forse avè bisogno de sole, mare e musica, niente altro, cossí ve sentirè pí forti SCACIA I PENSIERI CO UNA NUÀ

Xemei (21 maggio - 20 giugno)

Sicome no riussí a stare mai fermi sceglieve qualcossa de pí consono alla caldana ATIVI MA CO ATENSIÒN AL RISPARMIO

Cancaro (21 giugno - 20 luglio)

L'importante xè avere metodo, no serve che ogni dí dè el sento per sento, ma che ve impegnè co costansa per rivare ala meta MPARÈ A ESSARE OTIMI CORIDORI

Leon (21 luglio - 20 agosto)

Tra la gioia e la malinconia esiste na sfumatura, serchèla,riconossèla,vivela sensa massa pensieri MANCO FILM IN TESTA, PÍ CONCRETESSA

Vergine (21 agosto - 20 settembre)

Sole, sole,sole, per ritrovare potensa, idee,forse, no scatare ad ogni richiesta ma fate desiderare APLICA UN FIÀ DE LENTESSA

Bilansa (21 settembre - 20 ottobre)

I tempi se riduxe, pensa a un piano per otimixare e risparmiare fadighe e sforsi e fare ben lo stesso ECONOMIXA

Scorpion (21 ottobre - 20 novembre)

Felici de avere ragiunto na meta desiderà a lungo, sarè pervasi da tanta vogia de fare e scoprire ESPLORATORI CURIOSI

Sagitario (21 novembre - 20 dicembre)

Lassè stare le mancanse altrui, no penseghe ma proseguí nel vostro stile co forsa e impegno LA META XÈ VISSINA

Capricorno (21 dicembre - 20 gennaio)

Vogia de aventura e scoperta de novi teritori e possibilità, avè tante porte da aprire davanti a voialtri ESPLORA CO FIDUCIA

Acquario (21 gennaio - 20 febbraio)

Volè divertirve e liberarve da pesi indesiderai, come fare? Dè manco disponibilità se no sè obligai a darla SOLE E SUGAMÁN

Pessi (21 febbraio - 20 marzo)

Legeressa,xè ora de liberare la mente e el fisico da ogni pensiero, sercando de divertive e riposare al tempo stesso A VOLTE UN PELO DE SUPERFICIALITÀ NO GUASTE