Oroscopo ciosoto dela Gina

• Tweet
• Pin It

Ariete (21 marzo - 20 aprile)

I cambi de tempo influisse sul'umore, voressi controlarve de pí ma proprio no riussí CIAPELA COME CHE LA VIÈN

Toro (21 aprile - 20 maggio)

Malinconici ma operosi, la sete de cultura no cale mai, sempre pronti ad alargare gli orixonti SAPIENTI E CONTENTI

Xemei (21 maggio - 20 giugno)

Volè tenire tuto soto controlo ma xè impossibile monitorare sempre tuto, fè na cernita E SERCA DE DORMIRE!

Cancaro (21 giugno - 20 luglio)

Tanti i pensieri che no ve bastaria na giornata per metarli in riga tuti, otimixa gli spassi in testa TI VEDARÀ CHE COSSÍ I SE RIDIMENSIONE

Leon (21 luglio - 20 agosto)

La note na volta te piaxeva per pensare,scrivare e lavorare, adesso ti te senti straco ma el sono no rive LIBERATE DA OGNI ESPLOSIONE INTERNA

Vergine (21 agosto - 20 settembre)

Tanta roba, tanta, no ve fermè mai, se operosi anca per chi che manco ghe prove a fare fadiga UNO SPASSIO TUTO PER TI RISERVATÈLO

Bilansa (21 settembre - 20 ottobre)

Riserva i to consigli solo se richiesti, no sempre la xente sa apressare bontà e disponibilità che a volte vien male intrerpretae MODALITÀ RISPARMIO

Scorpion (21 ottobre - 20 novembre)

Rive de chele giornate in cui voressi stare dentro na bola sensa vedare né sentire... COME OVIARE AL PROBLEMA? DEFILARSE!

Sagitario (21 novembre - 20 dicembre)

Ghe gera na volta vogia de fare e spirito de inissiativa, ma qualchedún ve l'à fato andare soto ai pie RIPRISTINALI E FAI PER TI

Capricorno (21 dicembre - 20 gennaio)

Co sto tempo da lupi diversi piani te se stravolge, no rabiarte ma adatali e impara a giovarghene FAI DE NECESITÀ VIRTÙ

Acquario (21 gennaio - 20 febbraio)

Asagi de vacansa, libertà e divertimento, questa xè l'istà che ve piaxe, se ghe metè anca un cortegiamento... SE IN FASE CILIEGINA SULA TORTA

Pessi (21 febbraio - 20 marzo)

Aplichè el sorixo ale vostre giornate, savè alegierire e cambiare in positivo le situassiòn ALSÈ EL CALICE E FESTEGÈ