Oroscopo ciosoto dela Gina

• Tweet
• Pin It

Ariete (21 marzo - 20 aprile)

No dire no a priori, tufate nel'istà e no avere paura dele novità, xè pecà perdarse dele nove posibilità solo per timori infondai CAMBIA E MIGLIORA

Toro (21 aprile - 20 maggio)

Novità in arivo, Toro no farte ciapare dal'ansia e godate l’atesa legendo un bon libro e sorsegiando un gotexín ESTATE DELE RIVELASSIÓN

Xemei (21 maggio - 20 giugno)

Ciapevela comoda e co pì filosofia, voialtri se abituai a essare sempre scatanti e produtivi, modifichè le vostre abitudini RIEMPI LE TO GIORNATE DE MERAVIGLIA

Cancaro (21 giugno - 20 luglio)

Ve sentì pì positivi, energetici…che sia per la dieta o i ritmi manco da vampiri? CONTINUA A LAVORARE SU DE TÍ COCOLANDOTE E RISPETANDOTE

Leon (21 luglio - 20 agosto)

Setimana dele rivelassión pian pian verxè i oci e co magiore consapevolessa ti tioi decisión importanti EL SOLE FA MATURARE

Vergine (21 agosto - 20 settembre)

Lavorè su voialtri per smussare certi angoli che ve rende un puoco tropo categorici CIRCONDEVE DE AMORE E BONI PENSIERI

Bilansa (21 settembre - 20 ottobre)

Agosto se avicine e contè i dì e le ore per riussire finalmente a essare pì rilassai e vacansieri RICARICARVE SARÀ EL PENSIERO PRINCIPALE

Scorpion (21 ottobre - 20 novembre)

Picole incomprensiòn familiari ve rendarà un pelo tropo ansiosi…andemo! In famegia xè belo discutare e schiarirse GHE NE USCIRÈ CARICHI

Sagitario (21 novembre - 20 dicembre)

A volte no serve fare caminae descalsi man nela man per essare in sintonia, anca i silensi e le riflesión xè importanti E PO OSSERVARE A VOLTE CO PÍ DISTACO PORTE SEMPRE ALA COMPRENSIÓN

Capricorno (21 dicembre - 20 gennaio)

Se xà in modalità Feragosto: relax, musica e compagnia, no chiedé tanto de pí per caricare le pile BRAVI, INCAMERÈ SOLO ENERGIE BUONE

Acquario (21 gennaio - 20 febbraio)

Strachessa da noti poco rilassae unie al massa caldo ve rende un pelo pì fretolosi anca nel'esposissión RISOLVA TUTO PARLANDO DEMANCO E GODENDOTE ST'ISTÀ CO PÌ LEGERESSA

Pessi (21 febbraio - 20 marzo)

Stress e pensieri ve fa sentire coinvolti un puoco massa nele robe, se dotai de tanta sensibilità e empatia… CONSIGLIO DE METARVE IN MODALITÀ VACANSA E NO VEDO NO SENTO NO PARLO