Do You Speak Chioggiotto?

Oroscopo ciosoto dela Gina

Scritto da il 12 marzo 2018 alle 09:03
oroscopo

Dall’ 11 al 17 marzo


In breve tempo abbiamo visto vento, neve, pioggia e …caligo. Di quest’ultimo se ne poteva fare a meno. Eppure il sole rivendica i suoi spazi e tempi, eppure…”i marinanti pare sconti ma i xè che i cave le grapìe e che i spolvere i bareti e i barachini xà da febraro. Cossa credistu, no i se poule minga trovare impreparai, in dò e dò quatro ghe tache la bela stagiòn, bià che i sia pronti per i foresti. E anca mi no vedo l’ora della prima tombolà co le fie. Dunque c’è speranza Gina? Spegniamo l’Inverno?

Che dite?

Ariete (21 marzo - 20 aprile)

Marte busse ala porta e ve fa deventare abastansa insoferenti, sopratuto nela sfera amorosa, ogni tanto xè ben molarghe un ponto e sciogliarse un fiatinin.
PARLEGHENE NO IMUXONIVE.

Toro (21 aprile - 20 maggio)

Se i amissi ve serche no stè a darghe sempre busa e incontreve per no spritz o na pissa. Confortè una persona cara che se sente soto pressiòn.
LASSA PERDARE QUEI CHE NO VOLE CAPIRE.

Xemei (21 maggio - 20 giugno)

Magari ve piaxe organixarve prima per poder progetare i detagli...ma a volte capite imprevisti e quindi se fa le robe in freta e furia: vardè che gli imprevisti a volte pole anca essare bei!
BASTE NO ESSARE PRECISINI.

Cancaro (21 giugno - 20 luglio)

Marte no ve ne fa sfugire una, ma no lo fe co cativeria...la xè solo la strachessa che ve rende insoferenti. Lassè che sta nuvoleta passa velocemente e no tioleve la vita.
FRAGOLE E PANA PER RILASSARVE.

Leon (21 luglio - 20 agosto)

Per quelo che riguarde el vendare o el comprare, de certo no avè rivali, convincenti e decisi avè ben in testa i obietivi che volè ragiungere.
MANTENEVE COSSÌ!

Vergine (21 agosto - 20 settembre)

Amore da diexe e lode, vedè cuoricini anca sui dadi da minestra. Se per caso sè ognoli, cioè single, verxè i oci che i spasimanti xè in coa.
CASANOVA SARIA VENUO A RIPETISSIÒN DA VOIALTRI

Bilansa (21 settembre - 20 ottobre)

I fruti se racoglie anca sensa publicixarse co i autoparlanti, bravi, cossì se fa! Siti siti scalè l'Olimpo. Un fià de stress a mexa setimana.
SFUOGHEVE COL ROMANTICISMO

Scorpion (21 ottobre - 20 novembre)

Anca col tempo umido o piovoso, un dinamismo ve pervade, sè disponibili e scatanti, ocio però perchè el rischio lo conossè...fare anca el lavoro degli altri sensa gnanca un grassie.
VOLEVE BEN E PENSÈ AL VOSTRO EGO

Sagitario (21 novembre - 20 dicembre)

Che dire...avè sempre vogia de fare, però a volte no tute le ciambele vien fuora col buso...sè un fià strachi...feve na bela ronchexà!
RELAX!! VA CHE ALTRIMENTI LA PAGHÈ

Capricorno (21 dicembre - 20 gennaio)

Sempre pronti a scatare...anca massa! Calmeve al lavoro, ciapaevela pì comoda e trovè el spassio per stare in compagnia e divertirve.
NO STÈ A FARE I BAGORDI PASSANDO DA STRIMBOLI A STRAMBOLI!

Acquario (21 gennaio - 20 febbraio)

Sè che zolè co le ali spiegàe, sè sula cresta del'onda,periodo in cui tute le ciambelle risulte co buxo...no monete la testa però.
BELE SERATE DE PRE-PRIMAVERA.

Pessi (21 febbraio - 20 marzo)

Sbalsi de umore giustificai da sto tempo balordo, ma vardè che come che dixe el Cochi "la vita xè bela" andè a spasso e serchè de svagarve.
DEVE NA DRISSÀ E SÙ CO CHELA TESTA, CHE SEI BEI, BONI E BRAVI.

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .

Scrivi un commento

Il tuo indirizzo email non sarà pubblicato. I campi obbligatori sono contrassegnati *