Do You Speak Chioggiotto?

Oroscopo di Gina dal 18 al 24 gennaio

Scritto da il 18 gennaio 2015 alle 22:01
oroscopo

Gina venerdì stava pulendo casa, pulizia grossa dopo il Natale, e in un grembiule a fiori che mette appunto per i grandi lavori,  ha trovato un biglietto con dei numeri scritti. “-Vedistu a xè un segno, bià che li xioga. No sò se la gera la pressiòn o i numeri che avevo perso dal sacheto dela tombola e che m’avevo segnà da comprare, ma no posso ignorare de avermeli trovai in scarsèla, sicchè me li xiogo, anca perchè sta setimana xè fortunela per mondo de segni che sarà baxai dala dea bendà”

Gina, l’importante è crederci, sempre! Buona fortuna a tutti!

Ariete (21 marzo - 20 aprile)

Setimana al'insegna dela gnagnarela. La fiachessa t'investe e te seche fare tuto. No sforsarte ma no fermarte.

CIAPALA COME CHE LA VIEN, NO IMPOLTRONIRTE MA GNANCA NO AFANARTE, ANCA COL PARTNER.

Toro (21 aprile - 20 maggio)

Tra bolete, bolo auto, assicurassiòn ti te senti spenà come el culo de un babuìn! Ma no tuti i mesi xè cossì.

FORTUNA CHE GHE XÈ TANTE ROBE BELE CHE TE TIRE SÙ E NO COSTE SCHEI!

Xemei (21 maggio - 20 giugno)

Xemei per ti invesse i schei cresse grassie ale to idee ecessionali che venirà premiae.

XÈ EL MOMENTO GIUSTO PER TIRARE FORA IDEE E DIMOSTRARLE, GIOVE E MERCURIO XÈ DALA VOSTRA!

Cancaro (21 giugno - 20 luglio)

Novi contatti e nove proposte. No dire no. El lavoro xè lavoro, te xè anca tornà na gran forsa de volontà, quindi...

PER RESTARE IN EQUILIBRIO NO TRALASSARE LE COCOLE IN FAMEGIA!

Leon (21 luglio - 20 agosto)

No te tiore la vita se ti à scontri e divergense co qualchedùn, l'importante xè tenire el distaco giusto sensa ciapersela.

N' ALTRA ROBA...BASTA CIAVARTE TUTI CHEI BÉSSI IN NINOLI CHE NO TI USI! SPARAGNA PER UN VIAGIO!

Vergine (21 agosto - 20 settembre)

Prosegui nele scelte e nei progeti perchè Mercurio fin a primavera te baxe in fronte e te garantisse sucessi.

BONE LE INTUISSIÒN LEGAE A SPESE GROSSE COME CASE E MACHINE.

Bilansa (21 settembre - 20 ottobre)

La setimana prosegue nel verso giusto co Venere e Giove che te vissie standote sempre tacà ti deventi  fortunelo.

E TI CHE TI XÈ  SGAGIO TI NASI LE SITUASSIÒN E TI GHE FA PROGETI ATORNO!

Scorpion (21 ottobre - 20 novembre)

Ti à mondo de vogia de bagatèle, divertimento, per ti xè xà Carnevale. Ti te senti sù de giri.

IN ALEGRIA TI SENTI CHE TI POI SCALARE EL MONDO E CHE TE PIASE!

Sagitario (21 novembre - 20 dicembre)

Mentre che ti pensi ad altro e ti xè ocupà nela professiòn, l'amore busse insistente ale to porte.

NO TIORE DECISIÒN FRETOLOSE. NO DIRE SI O NO. VIVI GIORNO PER GIORNO COSSÌ TI RIVARÀ A NA RISPOSTA.

Capricorno (21 dicembre - 20 gennaio)

Co la garansia de n'amicissia venirè facilmente proietai verso un progeto che ve permetarà de ciapare dei boni schei.

PER GARANTIRVE PREGIO E FIDUCIA DOVÈ ESSARE CIARI NEL SPIEGARE I VOSTRI PROGETI.

Acquario (21 gennaio - 20 febbraio)

Anca el to segno gode de na ripresa economica, questo te rende pì rilassao. Essi co i amissi e afaciate a n'amore...

OCIO CHE SE TI À DA ANDARE IN VIAGIO IN COMPAGNIA TE CONVIEN MUOVARTE COSSÌ TI SPARAGNI.

Pessi (21 febbraio - 20 marzo)

Ti te senti forte e pronto a reagire, stavolta bisogna che ti dimostri le to idee co fatti, no parole.

PÌ FORTE CHE TI RISULTI PÌ TI CONVINSI CHI CHE TE SCOLTE, QUINDI SII  DETERMINÀ E SICURO.

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .