Do You Speak Chioggiotto?

Oroscopo di Gina dal 21 al 27 dicembre

Scritto da il 22 dicembre 2014 alle 11:12
oroscopo

Questo Dicembre freddo e sta per concludersi,  prima però arriva il Natale, un momento particolare in cui certi pensieri e sensazioni  aumentano…Come d’abitudine vi ripropongo la poesia del poeta marinante Guerrino Seggionetto : “La visilia de Nadale”, Gina me l’ha ripetuta come di consueto. Un abbraccio, auguri a tutti.

“Una volta, ala visilia, de sera,
gera unia la famègia intiera,
se impisseva el camin,
un soco per scaldare el Bambin,
la mama brustoleva le sciopele,
el nono se caveva le patèle,
a se scaldeva i piè sul camin,
e la nona se scaldeva col scaldìn,
se steva suso fin a ora tarda,
i fioi cinceva mandolato e mostarda,
dopo i se licheva i deolini,
perché solo da Nadale, i veva i dolsini,
el gato cuciao in fianco la foghera,
el can soto la tola, cuciao per tera,
el nono fumando, na pipa granda,
a conteva qualche soa, scuribanda,
e la nona, conteva la storiela,
de Gesù Bambin, sula capanela,
anche el papà, calcossa a conteva,
i fioi a boca verta i scolteva,
e prima che el sono, li portava via,
la mama ghe fava dire, l’Avemaria,
la nona cola gùcia, ciapeva el sono,
dopo lo ciapeva anche el nono.
El papà, alora sito/loto,
a pianelo a se beveva un bel goto,
la nona introtoleva, la gùcia co un strasso,
la mama coverzeva, el soco col senarasso,
i fantolini i coverzeva, el gato pian pian,
el nono ghe deva un saludo al can,
e dopo, tuti i andeva in leto,
uno davanti, tegniva el lumineto,
al capitelo del scalaro, i se feva la crose,
i diseva do orazion, a soto vose,
Signore te ringraziemo, puoco ben, puoco male,
anca sto ano semo rivai a Nadale.”

Ariete (21 marzo - 20 aprile)

L'ano se conclude scopietante come i popi corn. E anca l'inissie col botto! Cossì no ve anoiè gnanca un fià!

TUTA N'AVENTURA, TUTA NA NOVITÀ, FESTEGIA SÀ ARIETE, QUESTO XÈ EL MOMENTO GIUSTO.

Toro (21 aprile - 20 maggio)

L'ano turbolento, pensieroso xè che se conclude. Anca i aciachi sa ripresentà, co sto umido capite...

MA CHE TE CONSOLA L'ARIVO DE UN DOMILAQUINDEXE PIEN DE SICURESSE E PASSIONI.

Xemei (21 maggio - 20 giugno)

Xemei ti un fià ti cuxi e un fià ti desfi. Ti pensi e ti ripensi, dopotuto ti xè un perfesionista e ti vuoi che tuto sia al massimo.

ANCA I DESIDERI, L'AMORE TI VUOI CHE SIA AL MASSIMO. PER QUESTO GHE VUOLE UN NADALE DE RIFLESSION.

 

Cancaro (21 giugno - 20 luglio)

Cancaro: ciapa la bala al balso. Le sodisfassiòn pian pianelo rive tute. Mai molare, continua passin passeto.

TI XÈ UN GRAN COSTRUTORE. PARTENDO DALE BASI TI RIVI AL GRATACIELO.

Leon (21 luglio - 20 agosto)

Leòn rilassate n'atimo, fermite per na feta de panetòn e dò tochi de mandolato. El domilaequindexe rive e a sarà intenso.

SARÀ  UN ANO AL'INSEGNA DEI INVESTIMENTI.

Vergine (21 agosto - 20 settembre)

Per ti la fine del'ano coincide col fare i bilanci sul lavoro e l'amore, controlando anca  dove che  xè andà la passiòn .

TE SERVE RISCOPRIRE QUELO CHE XÈ VITALE PER TI, PER ALIMENTARE EL TO CUORE E SODISFARLO.

Bilansa (21 settembre - 20 ottobre)

Parola d'ordine : libertà e indipendensa. Quest'ano se conclude co dele grandi conquiste che ve rende sereni e combativi.

LE FESTE PROSEGUE CO UN GRAN APOGIO DA PARTE DE URANIO CHE AUMENTE LA TO ARTEPERSUASORIA E EL TO POTERE NEI AFARI.

Scorpion (21 ottobre - 20 novembre)

Toc toc...ti ,pensevi che no ghe fusse tempo e de no avere gnanca vogia...invesse se afacie, invesse busse ala to porta l'amore.

ESPLORALO, PARTI DA ZERO E TI SCOPRIRÀ LE DIVERSITÀ ANCA DENTRO DE TI. L'AMORE SOTO L'ALBERO ...

Sagitario (21 novembre - 20 dicembre)

Ti naveghi in un mare d'impulsività e forti sentimenti. I contrasti te smuove e te acende xè cossì che ti senti la vita.

NO TEMERE, GIOVE TE FA DA CO-PILOTA E LA MARETA PASSE LASANDO SPASSIO A GRANDI SENTIMENTI.

Capricorno (21 dicembre - 20 gennaio)

Frissi e lassi per ste feste! Limitè la tensiòn però! no serve che ve sentì sempre messi ala prova, sinò no ve gustè gnente.

PITOSTO DAGHE SOTO CO LE USCITE E SCOPRI L'INTESA CO NA PERSONA VISSINA.

Acquario (21 gennaio - 20 febbraio)

Tien duro Acquario! Lo so, ti voressi essare int'un'  isola greca a scaldarte un fià e a balare el sirtachi...ma ti à da lavorare.

NO FARTE SOPRAFARE DALE ANSIE E I NERVOSISMI, FAI QUELO CHE TI PUOI AL LAVORO E STACCA E DIVERTITE LA SERA.

Pessi (21 febbraio - 20 marzo)

Ti riscoprirà sentimenti e sensassiòn che s'aveva oscurà  e ruxenìo a causa del tran tran quotidiano.

XÈ  BELO RISCOPRIRSE E TROVARE LA PRIMAVERA IN INVERNO DRENTO EL CUORE.

 

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .