Do You Speak Chioggiotto?

Oroscopo di Gina dal 16 al 22 novembre

Scritto da il 16 novembre 2014 alle 12:11
oroscopo

Gina si è ripresa abbastanza dalla caduta, si è riposata un po’, ha fatto meno manicaretti, si è dedicata all’uncinetto, ha preparato delle stelline piccole piccole da appendere sull’albero di Natale. “Cossa vuostu fare, ghe xè noma che punti de stela: venare ghe n’ è naltro, la Salute, i venessiani fa festa granda, qua invesse andemo a saludare la Madona vestìa che na volta gera nela bela cesa de Santa Caterina e venare se trovarà ai Filipini. Quanti ricordi…co gero na fantolina ghe gera la cale Santa Caterina piena co le candele votive, dolseti come el ritirato, na specie de mandolato fato co la melassa le sème…e me ricordo el fredo, che su sicura rivarà puntuale anca stavolta…la mia mama me feva le dresse e me meteva el vestito belo, co i calsetoni alti de lana che me protegeva dal giasso.”

Che bei ricordi Gina, ti mancheranno di sicuro momenti come quelli…hai uno sguardo così acceso mentre me ne parli.

Ariete (21 marzo - 20 aprile)

Semplice la questiòn: Ariete ghe xè qualchedùn che te ame ala folia, e qualchedùn invesse che no te degiarisse.

PROBLEMI SOI, SA! LASSA PERDARE I ASTIOSI, PITOSTO SARAVE ORA TI TE INCORXESSI DEI SPASEMANTI.

Toro (21 aprile - 20 maggio)

Toro, ti voressi capire come stà certe robe, come che le funsione, per farte finalmente n'opinion per poder decidare.

SOLO CO NA PANORAMICA DELE ROBE TI PODARÀ ESSARE CERTO DELE TO SCELTE.

Xemei (21 maggio - 20 giugno)

Xemei, no gireghe intorno, ma tiolè na posissiòn, sinò nel fratempo no ve liberè da nissun peso, anca fisico.

AFRONTA I TO TIMORI E MAGNATELEI! DIVORALI! SPESSO SE PENSE SE MAXENE INVESSE BISOGNA REAGIRE E STOP!

Cancaro (21 giugno - 20 luglio)

Na lexiera  inquietudine te fa essare o massa positivo o massa negativo, Ti ingigantissi tuto in un senso o nel'altro.

PERCHÈ PER RILASSARTE NO TI TE CONCENTRI MEGIO SUL GENERALE E NO TI LASSI STARE EL PERSONALE?

Leon (21 luglio - 20 agosto)

Leòn, baste do timidi ragi de sole per ricaricarte e farte sentire de novo forte, dopo un periodo de confusiòn.

ANCA LA SFERA DELA FAMEGIA SENTIRÀ DE STO CLIMA FAVOREVOLE E I SINGLE TROVARÀ  LA PASSION.

Vergine (21 agosto - 20 settembre)

Chi che ve vive acanto à bisogno de comprendarve fin infondo, a la necesità de savere tuto e no perdarse tochi del puzle.

COLTIVA I ORTI LEGAI AI SENTIMENTI NO LASSARLI ARIDI .

Bilansa (21 settembre - 20 ottobre)

Giove ve porte in cuore un fià de gelosia, de insoferensa verso le disatensiòn del partner o del' amico fidato.

TI DA PARTE TOA NO FOMENTARE STO SENTIMENTO MA DEVIALO SVAGANDOTE E DIVERTINDOTE.

Scorpion (21 ottobre - 20 novembre)

Sta setimana concentreve sul lavoro el sport, i hoby, la casa, le tende, el tapeo...ma lassè stare l'amore.

NO PERCHÈ NA GHE SIA, MA PERCHÈ SATURNO VE FA ANDARE IN BALON SENSA MOTIVI, SPETE EL WEEK END.

Sagitario (21 novembre - 20 dicembre)

Sagitario, porta un fià de pepe nele to giornate, scioglite lexiero, divertite, ciama la comapagnia, esci.

GHE XÈ QUALCHEDUN CHE TI VEDI CO CUI TI A DA APROFONDIRE LA QUESTION...INTIMA.

Capricorno (21 dicembre - 20 gennaio)

Capricorno, no essare pignolo e lassa stare le questiòn che no vale na cicca de tabacco, xè solo fiao perso.

PITOSTO SFRUTA LE TO ENERGIE PER  CAPIRE COSSA FARE PER LE IMINENTI FESTE DE NADALE.

Acquario (21 gennaio - 20 febbraio)

Acquario vanta chela lengua! Ocio ale batute che te se pole girare contro, sopratuto se fate a persone permalose.

LEXIERA VOGIA DE TRASFORMARVE IN EREMITI DISTANTI DALE PASSION FISICHE.

Pessi (21 febbraio - 20 marzo)

Ti à un caratere forte e coragioso, ma no ti devi sempre e per forsa essare un paladìn dela giustissia o el factotum dela cità.

E INSOMA PESSI, ANCA VENARE TE MANDE DEI SEGNALI...TIOTE EL TO TEMPO E GODITELA UN FIÀ !

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .