Do You Speak Chioggiotto?

oroscopo di Gina dal 5 all’ 11 ottobre

Scritto da il 6 ottobre 2014 alle 09:10
oroscopo

Gina dice : ” -Quando la Madona passe el cantòn, meteve el scaldìn soto che avè raxòn” . Cioè : quando la Madonna del Rosario (il 7 ottobre) passa in processione ( tradizione chioggiotta di quasi due secoli fa) le donne per l’ultima volta si vestono di chiaro e leggero perchè poi arriva la stagione fredda, e usano lo scaldino. Tutti i proverbi che Gina mi dice hanno sempre del vero;  per quasi tutta la settimana il sole è stato caldo e quasi estivo, chissà se s’indebolirà veramente da martedì. Beh dai al limite faremo come i nostri nonni e bisnonni ed useremo lo scaldino, giusto per economizzare, in questo periodo di crisi. Buona settimana a tutti.

Ariete (21 marzo - 20 aprile)

Stress positivo, no avè un atimo de pausa, ma la carica no manche per niente. Ansi sè mondo spronai lavorativamente e insoferenti verso i tira pie.

GRANDA LA VOLONTÀ DE RIVOLUSSIONE E NOVITÀ. VE SE PROSPETE UN AUTUNO INTENSO E SODISFACENTE.

 

 

Toro (21 aprile - 20 maggio)

Bolete  e tasse varie ve prosciughe. Ciò nonostante no manche i afari onesti che ve porte tanta sodisfassiòn personale.

GRANDE DESIDERIO DE INTROSPESSIÒN MA ANCA DE PROFONDITÀ VERSO I RAPORTI PÌ  FORTI.

Xemei (21 maggio - 20 giugno)

L'anno astrale riparte da otobre per i Xemei. Finalmente in caregiata, sprintosi e convinti dela diressiòn da intraprendere.

NOVE POSSIBILITÀ E GRANDI SVOLTE , EL TUTO CONTORNIÀ DA NA MENTE FRESCA E RILASSÀ.

Cancaro (21 giugno - 20 luglio)

Positività a 360°. Sè drio a ristabilire equilibri, a risanare stanchesse ataviche e a cocolarve. Otimi slanci passionali e novi intriganti incontri.

MAGNA PÌ VITAMINE E PROTEINE LASSA STARE I LIEVITATI CHE TE INFIACHISSE.

 

Leon (21 luglio - 20 agosto)

Leòn che ti ghe credi o no,  imexo el caligo ghe xè l'arcobaleno. Come Doroti te consiglio de indossare scarpete rosse  comode e caminare verso Oz.

LA STRADA XÈ IN SALITA, MA NO TORTUOSA, NO FARTELA NERA, SII REATIVO E SICURO.

Vergine (21 agosto - 20 settembre)

Vergine: ocio ale cavije e ai arti inferiori, dovè evitare situasiòn de rischio per strapi o roture, anca nelo sport meteghe giudissio.

NO TI  XÈ DE GOMA COME PLASTICMAN, SICHÈ AFINA LA TECNICA NELO SPORT. RESTITUSSIÒN DE SCHEI IN ARIVO.

Bilansa (21 settembre - 20 ottobre)

Umore e vita al top ma avè un tacuìn da flop! I ve xiole leteralmente via. Selessiona le robe pì importanti da tiore e lassa stare i frissi e i lassi.

COSSA VUOSTU FARE BILANSA...TIEN DURO FIN A NOVEMBRE, E PO TI XÈ RICCO PER ROBE CHE À MONDO PÌ  VALORE DEI SCHEI!

Scorpion (21 ottobre - 20 novembre)

Scorpion grande setimana de passioni e sentimenti, momento in cui ti te dà al domila per cento. Ma ti ti xè uno che no se risparmie mai.

GRANDI RICONOSCIMENTI E SODISFASSIÒN ALE PORTE , GRASSIA E  CREATIVITÀ LE TO FEDELI COMPAGNE.

Sagitario (21 novembre - 20 dicembre)

Giove cresse l'impulsività creativa, dovè racogliere tute le idee e conservarle, nel fratempo el lavoro ve tien ocupatissimi  ma sodisfatti.

CRESSITA FINANSIARIA SOLIDITÀ  EMOTIVA, MA FORTE DESIDERIO DE  SENTIRE PULSARE EL CUORE.

Capricorno (21 dicembre - 20 gennaio)

El nervosismo ve rende feroci e poco permissivi verso le robe che no ve và. Ma no ciapevela, le xè robe de na giornata o dò.

PITOSTO PENSÈ A UN PIANO PER SISTEMARE CASA O GARAGE. COSSÌ EL NERVOSO PASSE E TI TE TROVI LA CASA SISTEMÀ.

Acquario (21 gennaio - 20 febbraio)

Acquario ti invesse ti à na carica adrenalinica ecessionale. Fortemente iluminà da pensieri positivi e un ategiamento spaciale verso la vita.

EL TO ANIMO FORTE E DETERMINATO TE SPENXE VERSO LE TO PASSIÒN E VERSO NOVI, IMPROVISI AMORI.

Pessi (21 febbraio - 20 marzo)

Pessi come i compari Acquari ve ritrovè pieni de grinta e passiòn. Mondo ben. Ma no incaponive contro chi la vede diversa da voialtri.

INDIRISSA LE TO POSITIVE ENERGIE PER FARE PASSI ANCA GRANDI VERSO OBIETIVI CHE TI INSEGUI DA SEMPRE.

 

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .