Do You Speak Chioggiotto?

Oroscopo di Gina dal 22 al 28 dicembre

Scritto da il 23 dicembre 2013 alle 10:12
oroscopo

“Una volta, ala visilia, de sera,gera unia la famègia intiera,se impisseva el camin,un soco per scaldare el Bambin,la mama brustoleva le sciopele,el nono se caveva le patele,a se scaldeva i piè sul camin,
e la nona se scaldeva col scaldin,se steva suso fin a ora tarda,i fioi cinceva mandolato e mostarda,
dopo i se licheva i deolini,perché solo da Nadale, i veva i dolsini,el gato cuciao in fianco la foghera,
el can soto la tola, cuciao per tera,el nono fumando, na pipa granda,a conteva qualche soa, scuribanda,e la nona, conteva la storiela,de Gesù Bambin, sula capanela,anche el papà, calcossa a conteva,i fioi a boca verta i scolteva,e prima che el sono, li portava via,la mama ghe fava dire l’Avemaria,la nona cola gùcia, ciapeva el sono,dopo lo ciapeva anche el nono.El papà, alora sito/loto,
a pianelo a se beveva un bel goto,la nona introtoleva, la gùcia co un strasso,la mama coverzeva, el soco col senarasso,i fantolini i coverzeva, el gato pian pian,el nono ghe deva un saludo al can,
e dopo, tuti i andeva in leto,uno davanti, tegniva el lumineto,al capitelo del scalaro, i se feva la crose,
i diseva do orazion, a soto vose,Signore te ringraziemo, puoco ben, puoco male,
anca sto ano semo rivai a Nadale.”

Con questa bellissima e suggestiva poesia del poeta Guerrino Seggionetto io e Gina vi auguriamo buon Natale!

Ariete (21 marzo - 20 aprile)

Se incasinai, ciò nonostante avè Venere che ve varde e ve assiste: anca se l'amore pare burascoso a xè forte e generoso.

IN STA CONFUSION L'UNICO CONSIGLIO XÈ ANDARGHE PIAN, SENSA FRETTA E SENSA TANTE CIACOLE.

Toro (21 aprile - 20 maggio)

Finalmente el sereno xè ale porte: un grande otimismo ve pervade dando spassio agli afetie al'amore.

CONSIGLIO TANTO SANO SHOPIN E REGALI PER LE PERSONE PER VOIALTRI PÌ IMPORTANTI.

Xemei (21 maggio - 20 giugno)

Mercurio porte agresività e rabiosessi gratuiti, la domanda xè: ghe ne vale la pena? No queteve na volta per tute.

NO DIXÈ PAROLE DE CUI VE PODARESSI PENTIRE, COLTIVÈ I BENI PRESSIOSI.

Cancaro (21 giugno - 20 luglio)

Schei che cresse no xè mai massa! Sè stà vulcanici sto ano, e lo concludè in belessa, stè calmi che la xè una gran arma.

NO SFIDÈ LA STAGION E COVERXEVE, ANCA PERCHÈ GHE XÈ BISOGNO DE VOIALTRI IN GIRO.

Leon (21 luglio - 20 agosto)

Ecco come sempre i Leoni de corsa fin ala vigilia, regali, pranxi, sene, andeghe n'atimo pian perchè sto ano se pì strachi.

UN LESIERO DISTACCO VERSO SITUASSION PROBLEMATICHE E ORMAI LONTANE NO VE FA ALTRO CHE BEN!

Vergine (21 agosto - 20 settembre)

La parola d'ordine de voialtri Vergini xè: stimai e lodai. Chi che no lo fa xè solo che gelosi, freghevene!

NONOSTANTE LE GRAN LAVORAE E I PENSIERI EL VOSTRO APROCCIO XÈ SEMPRE POSITIVO, BRAVI!

Bilansa (21 settembre - 20 ottobre)

Qualche pensiero per una persona, ma vedarè che se risolvarà tuto mondo presto e in positivo. Otimismo!

A NADALE STE ATENTI AI ALCOLICI, I VA XÒ BEN, I SBRISSE, MA DOPO I TORNE A FARSE SENTIRE.

Scorpion (21 ottobre - 20 novembre)

Un Nadale positivo, in salita. Tuto migliore per quanto riguarde la professiòn. Grandi sarà i ragiungimenti.

VE ATENDE DELE FESTE COI FIOCHI, NO FERMEVE GNANCA UN GIORNO SE AVÈ IDEE BELE DA PROPORE.

Sagitario (21 novembre - 20 dicembre)

Sagitario vardate intorno e obietivamente pesa nel modo giusto quelo che a valore e quelo che nolo à.

PER STARE DEL TUTO BEN ELIMINÈ CHE L'ASPETO PIGNOLO E LAMENTOSO CHE ULTIMAMENTE AVÈ.

Capricorno (21 dicembre - 20 gennaio)

Capricorno, lassa da parte sta premura de corare su tuto, afeti a conclusiòn sule persone, a volte se sbaglie, savè?!

NOTA POSITIVA: EL DESIDERIO DE INAMORARVE O L'AMORE CHE XÀ AVÈ E CHE CRESSE DE CONTINUO.

Acquario (21 gennaio - 20 febbraio)

Momenti in cui tirarè le somme su lavoro, amicissie, amore. Tirare le some però, no dixè : xè cossì e basta.

COMBATÈ LA FORSE STANCHESSA CO DEL PESSE AXURO COTO AL FORNO O LESSO, E CALMA SU TUTO.

Pessi (21 febbraio - 20 marzo)

No temè de dire la vostra anca nel lavoro, basta essere delicati, e aiutare co la propria opiniòn situassiòn che pole migliorare.

SENTÌ  MOLTO EL CLIMA NATALISSIO, QUESTO PORTARÀ DELE BONE SENSASSIÒN E INFLUSSI.

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .