Do You Speak Chioggiotto?

oroscopo di Gina dal 29 Settembre al 5 Ottobre

Scritto da il 29 settembre 2013 alle 12:09
oroscopo

La luna setembrina xè durà dala sera ala matina…e de colpo se trovemo in Otobre.. e de Otobre el vin fa alegria co a se beve in compagnia . Sagre, zinxole, bali, canti, e de colpo se trovemo a tacàre i balòchi intel’albero. Eh già Gina…il tempo passa,non è sempre tutto rose e fiori,e nelle insicurezze quotidiane, nei ritmi veloci le uniche certezze,come ho già sostenuto, sono la ciclicità della natura e la tradizioni. Non abbattiamoci, siamo all’inizio dell’autunno, ci dobbiamo acclimatare, è difficile per tutti.

Ariete (21 marzo - 20 aprile)

Mi la vedo ben la setimana. No tenive drento le idee, le convinsiòn, se qualchedun ve le fà girare difendeve co inteligensa.

PERSISTE EL PERIODO BÒN, NO DUBITÈ NÈ DELL'AMORE, NÈ DELL'AMICISSIA CO LA A MAIUSCOLA.

Toro (21 aprile - 20 maggio)

Toro, sta umidità no giove ala gola. Stè in guardia che ogni energia sparagnata è una energia guadagnata.

LIMON, MIELE E ACQUA CALDA, MENTA E LAVANDA, E LASSÈ PERDARE I TIRAPIE, RIPOSEVE.

Xemei (21 maggio - 20 giugno)

I xemei xè sempre nati co la camixa, ansi, co dò! Abassè el nervosismo e cambiè l'ordine dele precedense, largo al libero pensiero!

NO TRASCURÈ FAMEGIA O LAVORO. SAVÈ CHE CHI SEMENE RACOGLIE, QUINDI FÈ I BRAVI ORTOLANI.

Cancaro (21 giugno - 20 luglio)

Sè drio a covare qualcossa de sorprendente, confideve co pochi intimi perchè le imitassiòn podaria essare un rischio.

VE SENTIRÈ ENERGICI, PIENI DE VOGIA DE FARE. NA BELA SPONTA IN TERA, NA SENETA, NA ROSTIA, BASTE PUOCO...

 

Leon (21 luglio - 20 agosto)

Strachessa e perdite de tempo e fadiga. Tenì duro che Otobre porte un fià de fiducia e calma. Armeve de sorisi.

ANCHE AI LEONI CONSIGLIO RISERVATEZZA E COCCOLE PER LO SPIRITO, SÈ FATI DE CARNE ANCA VOIALTRI, NO SEMPRE LA MAGNÈ!

Vergine (21 agosto - 20 settembre)

No esternè tutto, no aprive co chi che no merite o no ghe interesse, riscoprì la riservatessa, sparagnè le energie!

SULA SFERA ECONOMICA, TRANQUILI CHE SE TANTI GHE NE SPENDÈ PER MULTE O TASSE, TANTI GHE N'ENTRARÀ

Bilansa (21 settembre - 20 ottobre)

El servèlo se distende e se libere un fià. Vedo mondo de bilanse in ferie...magari solo co la testa, niente male, diria.

SENTIRSI RIPOSAI, VOLENTEROSI, PROPOSITIVI NO À NIENTE DE NEGATIVO, ANSI! APROFITEGHENE!

Scorpion (21 ottobre - 20 novembre)

Inissio de Otobre un fià rosegao per i Scorpioni. Ghe xè Saturno che fa i caprici. rinviè decisiòn ala seconda decade del mese.

DEVE ALO SPORT O AL'ARTE CULINARIA. LIBEREVE DALE NEGATIVITÀ GRATUITE, INSOMA DESBIÈ L'ARMERO INTERIORE.

Sagitario (21 novembre - 20 dicembre)

Setimana a sinque stele. Svaghi, gite, lavoro che xòle via piacevolemente, momenti co i amissi. L'equilibrio xè  molto solido.

SE AVIARÀ O SE CONCLUDARÀ INTERESSANTI E IMPORTANTI TRATATIVE, NO SOLO ECONOMICHE!

Capricorno (21 dicembre - 20 gennaio)

El Capricorno cambie rotta e de colpo a se trove forsa e maturità per afrontare ogni fatto quotidiano, no difidè dei novi sentieri.

LA TRIADE SCHEI, AMORE, FORTUNA XÈ  NEL VOSTRO SEGNO, ALE PORTE UN BEL MOMENTO POSITIVO.

Acquario (21 gennaio - 20 febbraio)

Vogia de scampare per i Acquari. Se podè farlo, no ve lo viete nissuni! No svendeve nel lavoro, mento in alto Acquari!

CONCENTREVE SULLA VOSTRA PERSONALITÀ E ARICHILA CO CORSI O APROFONDIMENTI PERSONALI.

Pessi (21 febbraio - 20 marzo)

Xè umido e voialtri pesseti no perdè mai un colpo, ghe sguassè ben in sto umido. Self control, autodeterminassiòn e rivarè dove che vuolè.

MI NO VEDO LONTANA LA META, BASTE TENIRE SEMPRE A FUOCO L'OBIETIVO, SE TI VUOI TI PUOI,FORSA  PESSE!

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .