Do You Speak Chioggiotto?

Oroscopo di Gina dal 6 al 13 Aprile

Scritto da il 7 aprile 2013 alle 00:04
oroscopo

Aprile aprileto, ogni dì nasse un rameto, rive aprile coi fiori, coi poeti e i cantautori. Tuti i scrive e tuti i sone, semo un popolo de mona. Per tutto april no te allegerir; in April la prima tonà svegie el bosco e la vecia indormensà. Aprile infiore e Magio se ne onore. Ecco i proverbi caratteristici che mi ha raccontato Gina.  Come due aliene ci affacciamo alla finestra e annusiamo l’aria di questo sabato, il cielo è azzurro, non piove e ci sembra strano, durerà? Non pensiamoci più, “lessemo stare anca i studiosi del tempo, perchè i xè tuti rabiai, se piove verxemo l’ombrelo” ecco il Gina pensiero: sarà anche un modo semplice di pensare, ma per me è molto più  saggio di tanti altri. Buona settimana con le dritte stellari della nostra amata compaesana.

Ariete (21 marzo - 20 aprile)

Dividè ben el reale dal'imaginario, fato questo riussirè a notare che no se puole e che fantasia e relatà a volte viage fianco a fianco.

SENSUALITÀ DA GUINNES E CONSIDEREVOLE FONDOSCHIENA DA GIOCO, CONSIGLIO : PENSÈ DEI NUMERI E XIOGHELI AL'ENALOTO

Toro (21 aprile - 20 maggio)

Setimana operativa al massimo, tanto per cambiare! Per tiorvela pì comoda consiglio diplomassia, sparagnè la fadiga de spiegare a chi che no capisse.

A FINE MESE GHE SARÀ MODO DE RILASSARSE, PORTÈ  PASIENSA, FINO AD ALORA SPARAGNÈ OGNI TIPO DE ENERGIA, TRANE QUELA AUMMA...OK.

Xemei (21 maggio - 20 giugno)

Per i Xemei xè proprio primavera e la vogia de fare va un fià soto i pìe, nonostante ciò avarè forti intuissioni e fortune negli acquisti o in vincite.

OK CHE SE STRACHI E RILASSAI, PERÒ OCIO ALE DOMANDE CHE I VE FÀ SIA IN PUBLICO CHE IN PRIVATO.

Cancaro (21 giugno - 20 luglio)

I Cancari sta setimana sarà agressivi, rabiosi e bisognosi de dire la propria opiniòn, ok, avè raxòn ma se sighè i dixe che sè insicuri.

SERCHÈ  DE MANTENIRE UN ASPETO CALMO ANCA SE DENTRO BOGÌ, CO LA PASSIENSA SI OTIENE TUTO.

Leon (21 luglio - 20 agosto)

Sè marinai che vede na bela isola di fronte, ma fa na fadiga boja a levare chela ancora ruxinìa. Epure no ve manche la forsa, xè solo na serie de eventi.

CONSIGLIO: PENSÈ POSITIVO E DEVENTÈ OROGLIOSI DE QUELO CHE AVÈ E CHE SÈ,E AVANTI SEMPRE!

Vergine (21 agosto - 20 settembre)

El lavoro continue a portarve via granparte dela giornata, perchè no xè solo na roba fisica, grande xè el trasporto mentale che ghe metè.

POSSIBILITÀ DE CRESCITA ECONOMICA, DE FORTI SCONTI SUGLI ACQUISTI, BEH SE VE NE VANSE LA GINA LI ACETTE EH!

Bilansa (21 settembre - 20 ottobre)

I Bilansa ghe crede, sè convinti, la positività viage co voialtri e anca se capite dei colpi bassi, avè capio come fortificarve mentalmente.

TANTE COCINELE VE FA L'INCHINO E EL RITUALE DELA FORTUNA PIENA DE  DANARO E AMORE: GODEVE EL SPETACOLO.

Scorpion (21 ottobre - 20 novembre)

Sta setimana sarè confortai in famegia ma avarè qualche rotura de bale al lavoro, cossa volè fare? deghe aria che xè mejo! I confronti se fa co se pole parlare.

OFFRIVE A CHI CHE MERITE, PARLÉ  CO CHI CHE VE SCOLTE. LE PARE ROBE SEME MA A VOLTE FARE UN FIÀ I PRESIOSI FA NOTARE QUANTO SÈ IMPORTANTI

Sagitario (21 novembre - 20 dicembre)

Verxè i oci, xè ora de valutare ben le proprie scelte e de cavarse i persuti o le fete de codeghìn dai oci, afrontare la relatà a volte no fa così male.

SE VE SENTÌ STRACHI, EL RIMEDIO XÈ SOLO UNO: RONCHEXÈ! E PO CO SE SOGNE VIEN ANCA TANTE BONE IDEE!

Capricorno (21 dicembre - 20 gennaio)

Momento doc per acquisti considerevoli, tipo casa o machina, i astri ve farà fare dei boni afari, e po' ve sentì mondo careghi de energie, xè favoloso!

LA LUNA POTENTE VE ASSISTE ANCA NELA SCELTA DE UN BEL VIAGIO DA FARE IN COMPAGNIA, SERCHELO VOIALTRI CHE SÈ FORTUNAI.

Acquario (21 gennaio - 20 febbraio)

Tirai a lustro per el week end, feste, party e po' rive la domenega sera che sè piegai, saressi da metare soto axeo. Spupasseve un fià manco.

AMORE SUPERSEXY TANTO PER CAMBIARE! MUOVEVE INOSSERVAI E VELOCISSIMI AL LAVORO.

Pessi (21 febbraio - 20 marzo)

Forti intuissiòn al alvoro e nele finanse, farè cioè dele compere astute. Però no stè a fare spese folli, no feve trascinare dal consumismo, parsimonia Pessi!

LA GIOIA DE VIVARE LA DIMOSTRÈ CORENDO E REAGENDO CO IMPULSIVITÀ, PERCARITÀ MEIO SQUALI CHE GÒ, PERÒ ECO RALENTÈ, OK?

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .