Do You Speak Chioggiotto?

oroscopo di Gina dal 28 aprile al 4 maggio

Scritto da il 27 aprile 2013 alle 15:04
oroscopo

Magio mese maledeto, bià despogiarse  pian pianeto, che a spogiarne per intiero  ghe pense el Ministero. Magio pièn de serexe al mercà ti fà bone spese. Magio umido impoverìse, magio seco no arichìsse. Majo tuto vènto, pì pagia che frumento, Magio con giorni suti, porte miele e frumento per tuti.Gina mi dice che Maggio non ha poi così tanti proverbi, Maggio il mese dei rosari in calle, dei “fioreti” , delle serexe, dei primi bagni di sole, delle prime “caldane” die momenti in cui si avverte l’arrivo imminente dell’estate, Maggio,  le donne in calle che ricamano, chi con il  balòn, chi con il redìn. Maggio…e speriamo che la pioggia cada di notte quando non disturba nessuno. Buona settimana segni!

Ariete (21 marzo - 20 aprile)

Sta setimana avarè na necessità mostruosa de aparire: ciò, xè primavera e bià cambiare mua, ocio a scegliare le robe giuste.

SERCHÈ  L'APOGIO E I CONSIGLI DE NA PERSONA SINCERA SENSA CIAPARVELA SE LA VE CRITICHE, XÈ TUTO A FIN DI BEN E  XÈ COSTRUTIVO.



Toro (21 aprile - 20 maggio)

Forte sex appeal sta setimana, carica esplosiva ritrovà, insoma i tori xè pronti a scornare de qua e de la, forte intese al lavoro.

CONSIGLIO: ANDÈ SPEDII SULE ROBE SENSA DOMANDARVE TANTI PERCHÈ, PERCHÈ NO GHE NE XÈ, STÈ QUETI E GUSTEVE TUTO.

 

Xemei (21 maggio - 20 giugno)

A volte dare dei giudissi afretai, o trare conclusioni sensa conossare ben i fati no xè che faga cressare i servei e le idee, quindi...

MAGIORE APERTURA MENTALE, MANCO IRASCIBILITÀ, UN SORISO E VIA, UN SILENSIO E VIA, TUTO SE DISTENDE E SE FACILITE.


Cancaro (21 giugno - 20 luglio)

Rive la bela stagiòn e se amplifiche i contati lavorativi, le offerte, valutele tute con grande atensiòn, perchè molte sarà interessanti e costrutive.

L'UNICA INCOGNITA XÈ QUELA ECONOMICA, MA L'ESPERIENSA NO VE MANCHE PER FIUTARE I AFARI O QUEI CHE XÈ TIRCHI DA PAURA.

 

Leon (21 luglio - 20 agosto)

I leoni se trove su un binario, da na parte fantasia e verve, dal'altra grigiume, routine, fiachessa, quale scegliarè?

CONSIGLIO: NO VEDELA PÌ INGARBUGLIÀ DE QUELO CHE REALEMENTE LA XÈ, ABANDONÈ I PENSIERI NEGATIVI E VIVEVELA GIORNO PER GIORNO.



 

 

Vergine (21 agosto - 20 settembre)

Lo stress, lo stress, cossa xelo lo stress? Lo mandè via come na sansala, perchè sè forti drento! Gli interessi personali trove el loro spassio.

STA SETIMANA AVARÈ  MONDO DE OCIO PER GLI AFARI E LE OCASIÒN E ANCA NA DISCRETA BOTA DE ...


Bilansa (21 settembre - 20 ottobre)

Eh lo sò saressi anca strachi, visto che la primavera se fa tiepida e umida, ma gli impegni xè  impegni, e le responsabilità le avè perchè sè in gamba.

PER ALONTANARE LA STRACHESSA ALONTANÈ I GRASSI E SERVIVE DE PROTEINE, FRUTA E VERDURA, GIRI IN RIVA AL MARE, TISANE.

Scorpion (21 ottobre - 20 novembre)

Setimana dedicà a tente atensiòn per un vostro caro, stare vissini a qualchedùn ne rende utili, ma ne fa anca del ben, sè positivi.

COCOLAI DA VENERE AVARÈ  DAVERO UN CUORE GONFIO DE DOLCESSE PER TUTI QUEI CHE VE GRAVITE ATORNO.

 

Sagitario (21 novembre - 20 dicembre)

Legero fastidio dovuo al fato che sè pieni de robe da fare, ma i vostri nervi saldi ve permete de svolgere tuto al megio avendo anca mondo de inissiativa.

NELE SCELTE NO STEVE AD AFRETARE CHE NO VE CORE DRIO NISSUNI, NO STEGHE A FARE I CONTI IN SCARSELA A UN AMICO.

Capricorno (21 dicembre - 20 gennaio)

Setimana al'insegna del'amore, del'amicissia, dela cura per er el proprio nido se l'avè, o la conclusiòn de un afare se serchè na casa.

LA CARICA XÈ DAVERO POSITIVA E PRODUTIVA, DA COSTRUTORI DE QUALCOSSA DE BON!

 

 

Acquario (21 gennaio - 20 febbraio)

Mi no sò se tuti i Acquari sperimente quelo che digo...ma la roda gire mondo bèn per voialtri! Positiva in casa, al lavoro, in amore.

OCIO A FARE I BRAVI OSSERVATORI, NO FEVE SFUGIRE GRANDI OCASIÒN, OGNI LASCIATA XÈ PERSA.

 

Pessi (21 febbraio - 20 marzo)

Se trate de pasientare fin ala metà de Magio e tuto sarà pì chiaro e sereno, ma anca adesso le robe xè positive e sicure, quindi...

CALMA E COLTIVÈ LE VOSTRE PIANTE , O COMUNQUE ACUDÌ QUALCOSSA O QUALCHEDUN, CO L'AMORE E LA DOVISSIA CHE VE CONTRADISTINGUE.


Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .