Do You Speak Chioggiotto?

Oroscopo di Gina dal 14 al 20 Aprile

Scritto da il 13 aprile 2013 alle 00:04
oroscopo

Sole, e questa  volta basta davvero la parola. Casa di Gina, colore, profumo…mmm Gina ma che stai preparando? -Ah Bettina, na roba che gnanca chela fiamìa de coto e magnà se imagine: risotìn de asparaxi e fragole, senti che gusto, senti che legeressa! Baste fare un brodin legereto de verdure, sensa agio, magari metaghe un fià de mentina, de noce moscà, po pela ben i asparaxi, tagia na mancià de fragolete e boom!  Po meta el riso e ala fine manteca; co un bel vinelo frixante bianco i ospiti reste mondo contenti. Che gioia ‘sta donna, astri e sapori autentici, schietti. Buon risotto segni…oops, buon oroscopo!

Ariete (21 marzo - 20 aprile)

Arieti, da ogi, domenega 14 tache un periodo sodisfacente, fortunao, pièn de passion ardente, momenti propissi in ogni campo.

CONSEGIO: GUSTEVELI PIAN PIANELO, NO FELI PASSARE INOSSERVAI, MARTE E VENERE XÈ  DALA VOSTRA.

Toro (21 aprile - 20 maggio)

E no stè a sfielarve e a pensare a tute le robe complicae, el goto xè mexo pien! Sè bei, sè bravi, no tioleve la vita se sapè na merdina.

LA LUNA PRODUTIVA STÀ A PANSA IN SÙ, LA LIEVITE, STÈ  PRODUTIVI, STÈ  QUETI CHE TUTO PROCEDE BÈN.

Xemei (21 maggio - 20 giugno)

Xemei, no stè a rinfaciare ai altri quelo che fè anca vù, ogniuno serche i sò spassi, ma no vè dovè sentire trascurai o no amai.

BEN LAVORO E AFETI, PER QUESTO VE DIGO DE STARE PÌ TRANQUILI, XÈ PECÀ ROVINARE LE BELE GIORNATE.

Cancaro (21 giugno - 20 luglio)

Coltivè el vostro bel ortexelo sensa svelare qua e là le strategie per averghelo cossì rigoglioso. Tra el dire e el fare scegliè l'amare.

SE AL LAVORO I VE SERCHE NO NEGHEVE, LA BRAVURA STÀ ANCA NELA DISPONIBILITÀ, E PO L' AIUTO XÈ A BON RENDARE.

Leon (21 luglio - 20 agosto)

Sole: e i leoni rugisse! Sè che naxè sodisfati sta arieta caldina e ve pare de avere qualche momento de felicità gratuita.

NO STÈ A SCOVERXARVE CHE APRILE FREGHE, SPETÈ MAGIO PER ANDARE A BRONXARVE IN PONTA ALA DIGA IN COSTUME.

Vergine (21 agosto - 20 settembre)

Ciò...i Vergini sta setimana se sente romantici come che no sà mai visto! Bèn, el partner sarà felice e a sè imbriagarà no credendoghe!

FRENÈ LA LENGUA AL LAVORO, XÈ PECAO CHE CO TUTO QUELO CHE FÈ PARA CHE SÈ SCIOPAI DURI!

Bilansa (21 settembre - 20 ottobre)

La verve, la grinta, la positività à un peso, fieri de stò peso e dela vostra cociutagine dovè però pensare un fià al fisico.

MAGARI TACHÈ CO VERDURA COTA E CRUA, RESPIRI AL'ARIA APERTA E NETA, QUALCHE RONCHEXÀ DE PÌ

Scorpion (21 ottobre - 20 novembre)

Altro chè figli dele stele! Sè figli del sole! Setimana piena de novità, de passiòn, progeti, avè le carte in regola per riussire su tuto.

DETERMINASSION E CONVINSION SARÀ  LA VOSTRA COMPAGNIA. IN PÌ LA SPALE LE AVÈ PROTETE DA UN GRANDO AMORE.

Sagitario (21 novembre - 20 dicembre)

La primavera ve inebrie e i pensieri se fà pì legeri, ma no stè a fare i crocaloni, se a casa i ve chiede agiuto no stè a dire de si e po a girare i tachi.

AVÈ ANCA MARTE FAVOREVOLE, SARÈ BRILANTI, VELOCI, MA NO STÈ A CIAPARE MASSA LA FUGA, RALENTÈ UN FIATÌN.

Capricorno (21 dicembre - 20 gennaio)

Dedicarè el vostro tempo ala riflessiòn, l'aprofondimento e l'afeto dei vostri cari. Venere xè co voialtri e la ve protege facilitandove le robe.

POSSIBILI AFARI A METÀ SETIMANA, NO SÒ DIRVE SE MONDO GRANDI, COMUNQUE STÈ  IN GUARDIA, NO FEVE SFUGIRE NIENTE.

Acquario (21 gennaio - 20 febbraio)

Per amore ve spostarè e sarè tentai de tiore decisiòn grosse ciapavalà. Andeghe coi pìe de piombo, che no xè come tiorse le caramele...

INTRAVEDO SCHEI  CHE RICEVARÈ , O COMUNQUE QUALCHE INCARICO CHE VE STIMOLARÀ E VE RIPAGARÀ.

Pessi (21 febbraio - 20 marzo)

Rive el sole e anca i Pessi se rinvigorisse, trovando spunti per el quotidiano, per l'amore, per l'economia famigliare.

LUNA E MERCURIO APROFONDISSE EL VOSTRO LATO SENSUALE E SENSIBILE, OCIO AI ABAGLI.

Autore: Elisabetta Donaggio

“I am he as you are he as you are me and we are all together”.  Mi piace partire con l’inizio di “I’m the walrus”, surreale canzone dei Beatles per presentarmi. Sono nata alla fine di luglio di …enta anni fa;insegno alla scuola Primaria. Sono vegetariana convinta dal 1996, amo la natura e la pace, vivrei di anguria e zucchero filato, AMO CHIOGGIA città “cubo di Rubi[...]

Leggi il resto su .